కరోనా సంక్షోభం, వృద్ధి భయాలు, జూన్లో ద్రవ్యోల్బణం పెరిగిన నేపథ్యంలో.. భారీ అంచనాలు మధ్య సమావేశమైన ఆర్బీఐ ద్రవ్య పరపతి విధాన కమిటీ (ఎంపీసీ) పలు కీలక నిర్ణయాలు తీసుకుంది. రెపో రేటు 4 శాతం వద్ద, రివర్స్ రెపో రేటు 3.35 శాతం వద్ద యథాతథంగా కొనసాగించింది.
ఎంపీసీ కీలక నిర్ణయాలు:
- కరోనా నేపథ్యంలో కుటుంబాలకు అండగా నిలిచేందుకు.. ప్రస్తుతం బంగారం విలువలో 75 శాతంగా ఉన్న రుణాల పరిమితి 90 శాతానికి పెంపు.
- అవసరమైనప్పుడు వృద్ధిని ప్రోత్సహించేందుకు మరిన్ని చర్యలు
- ప్రస్తుత ఆర్థిక సంవత్సర జీడీపీ వృద్ధి ప్రతికూలమే
- ప్రస్తుత ఆర్థిక సంవత్సరం రెండో త్రైమాసికంలోనూ ద్రవ్యోల్బణం పెరగొచ్చు
- 2020-21 రెండో ఆర్ధభాగం నుంచి సంక్షోభం నుంచి తెరుకునే అవకాశాలు ఉన్నాయి
- రుణాల ఊబిలో చిక్కుకున్న ఎంఎస్ఎంఈలకు.. షరత్తులతో కూడిన రుణాల పునర్వ్యవస్థీకరణకు అనుమతి
- కంపెనీలు, వ్యక్తిగత రుణ గ్రహీతలకు రుణాల పునర్వ్యవస్థీకరణ కోసం ప్రత్యేక విండో ఏర్పాటు చేసేందుకు బ్యాంకులకు అనుమతి
- ప్రయారిటీ సెక్టార్ లెండింగ్ (పీఎస్ఎల్) పరిధిలోకి స్టార్టప్లు
- పీఎస్ఎల్ ద్వారా పునరుత్పాదక విద్యుత్, సోలార్ పవర్, తక్కువ ఆదాయం ఉన్న కంపెనీలు, బలహీన విభాగాలకు రుణాల పరిమితి పెంపు
- వ్యవసాయ రంగానికి ప్రోత్సాహమందించేందుకు..నాబార్డ్కు రూ.5,000 కోట్ల లిక్విడిటీ మద్దతు
- హౌసింగ్ రంగంలో నగదు లభ్యత పెంచేందుకు నేషనల్ హౌసింగ్ బ్యాంక్ (ఎన్హెచ్బీ)కి రూ.5,000 కోట్ల అదనపు కేటాయింపు
ఇదీ చూడండి:బంగారం ధరలకు రెక్కలు- కిలో వెండి @75 వేలు
