flipkart big billion days: ప్రముఖ ఈ కామర్స్ సంస్థ ఫ్లిప్కార్ట్ 'బిగ్ బిలియన్ డేస్' సేల్ను ప్రకటించింది. ఐదు రోజుల పాటు సాగే ఈ సేల్ మార్చి 12 (శనివారం) మొదలై మార్చి 16న ముగియనుంది. మొబైల్ ఫోన్లు, స్మార్ట్ వాచ్లు, ల్యాప్టాప్స్, కెమెరా, బ్లూటూత్లతో పాటు వివిధ ఎలక్ట్రానిక్ వస్తువులపై రాయితీలు ,ఆఫర్లను ప్రకటించింది. ఈ సేల్లో లెనోవో యోగా ట్యాబ్, ఐపాడ్ ఏయిర్, రియల్మీ వాచ్2లపై డిస్కౌంట్లు ఇవ్వనున్నారు. కొన్ని వస్తువులపై ప్రత్యేకమైన సమయాల్లోనే ఆఫర్లు వర్తిస్తాయని సంస్థ తెలిపింది. ఎస్బీఐ కార్డు వినియోగదారులకు కొనుగోళ్లపై ఇన్స్టాంట్ డిస్కౌంట్ కల్పిస్తున్నారు. ఫ్లిప్కార్ట్ ప్లస్ సభ్యులకు ఈ ఆఫర్ ముందుగానే ప్రారంభం అవుతుంది.
యాపిల్, రియల్మీ, పోకో, శామ్సంగ్తో పాటు వివిధ ఫోన్లపై రాయితీలను అందిస్తుంది. ఎస్బీఐ అందించే 10శాతం ఇన్స్టాంట్ డిస్కౌంట్తో పాటు నో కాస్ట్ ఈఎమ్ఐ సదుపాయాన్ని కల్పిస్తుంది. సేల్లో కల్పించే రాయితీలకు సంబంధించిన టీజర్ను ఫ్లిప్కార్ట్ తన వెబ్సైట్లో పెట్టింది. కానీ కచ్చితమైన డిస్కౌంట్ వివరాలను ఇంకా వెల్లడించలేదు.
ఈ బిగ్ బిలియన్ డేస్ సేల్లో ఫోన్లతో పాటు ఎలక్ట్రానిక్ వస్తువులపై 80 శాతం, స్మార్ట్వాచ్లపై 60 శాతం, ల్యాప్టాప్లపై 40 శాతం డిస్కౌంట్ను అందిస్తుంది. వన్ప్లస్, రియల్మీ సంస్థలకు చెందిన బ్లూటూత్లపై 80 శాతం డిస్కౌంట్ను కల్పిస్తుంది.
డెల్, హెచ్పీ, ఆసుస్, లెనోవో సంస్థల ల్యాప్టాప్లు, డీఎస్ఎల్ఆర్ కెమెరాలు, సౌండ్బార్లపై ప్రత్యేక ఆఫర్లను ప్రకటించింది. కీబోర్డ్, మౌజ్ వంటి కంప్యూటర్ వస్తువులపై 50 శాతం, ట్యాబ్లెట్స్పై 45 శాతం డిస్కౌంట్ ఇవ్వనున్నారు. లెనోవో యోగా, ఎమ్8 ట్యాబ్లెట్స్, ఐపాడ్ ఏయిర్ , రియల్మీ ప్యాడ్లపై వచ్చే ఫ్లిప్కార్ట్ సేల్లో డిస్కౌంట్ ప్రకటించనున్నారు. మెమోరీ కార్డులపై 60 శాతం, గేమింగ్ వస్తువులపై 80 శాతం డిస్కౌంట్ ఇవ్వనున్నట్లు సంస్థ వెల్లడించింది.
ఇదీ చదవండి: హైదరాబాద్‌లో మైక్రోసాఫ్ట్‌ నాలుగో డేటా సెంటర్‌
