NTPC Engineering Jobs 2023 : నేషనల్ థర్మల్ పవర్ కార్పొరేషన్ లిమిటెడ్ (NTPC) 495 ఇంజినీరింగ్ ఎగ్జిక్యూటివ్ ట్రైనీ పోస్టుల భర్తీ కోసం ప్రకటన చేసింది. ఆసక్తి గల అభ్యర్థులు careers.ntpc.co.in వెబ్సైట్లో అప్లై చేసుకోవాల్సి ఉంటుంది.
ఉద్యోగాల వివరాలు
- ఎలక్ట్రికల్ - 120 పోస్టులు
- మెకానికల్ - 200 పోస్టులు
- ఎలక్ట్రానిక్స్/ ఇన్స్ట్రుమెంటేషన్ - 80 పోస్టులు
- సివిల్ - 30 పోస్టులు
- మైనింగ్ - 65 పోస్టులు
విద్యార్హతలు
NTPC Engineering Job Qualification : అభ్యర్థులు ఆయా పోస్టులకు అనుగుణంగా.. ప్రభుత్వ గుర్తింపు పొందిన విశ్వవిద్యాలయం లేదా విద్యాసంస్థ నుంచి కనీసం 65 శాతం మార్కులతో బ్యాచులర్ డిగ్రీ (ఇంజినీరింగ్/ టెక్నాలజీ) పూర్తి చేసి ఉండాలి. అలాగే గ్రాడ్యుయేట్ ఆప్టిట్యూడ్ టెస్ట్ ఇన్ ఇంజినీరింగ్ (GATE 2023)లోనూ క్వాలిఫై అయ్యుండాలి.
వయోపరిమితి
NTPC Engineering Job Age Limit : అభ్యర్థుల వయస్సు 2023 అక్టోబర్ 20 నాటికి 27 ఏళ్లు లోపు ఉండాలి. అయితే ప్రభుత్వ నిబంధనల ప్రకారం, ఆయా కేటగిరీల వారికి ఏజ్ రిలాక్సేషన్ ఉంటుంది.
దరఖాస్తు రుసుము
NTPC Engineering Job Fee :
- జనరల్, ఈడబ్ల్యూఎస్, ఓబీసీ కేటగిరీ అభ్యర్థులు దరఖాస్తు రుసుముగా రూ.300 చెల్లించాల్సి ఉంటుంది.
- ఎస్సీ, ఎస్టీ, దివ్యాంగులు, మహిళలు.. పరీక్ష ఫీజు చెల్లించాల్సిన అవసరం లేదు.
- అప్లికేషన్ ఫీజును ఆన్లైన్, ఆఫ్లైన్ రెండు విధాలుగానూ చెల్లించేందుకు అవకాశం ఉంది.
ఎంపిక ప్రక్రియ
NTPC Engineering Job Selection Process : అభ్యర్థులు కచ్చితంగా గేట్ 2023లో క్వాలిఫై అయ్యుండాలి. వాస్తవానికి ఈ గేట్లో వచ్చిన మార్కుల మెరిట్ ఆధారంగానే అభ్యర్థులను షార్ట్ లిస్ట్ చేస్తారు. తరువాత డాక్యుమెంట్స్ వెరిఫికేషన్, మెడికల్ ఎగ్జామినేషన్ చేసి.. ఆయా పోస్టులకు అభ్యర్థులను ఎంపిక చేస్తారు.
జీత భత్యాలు
NTPC Salary : ఎంపికైన అభ్యర్థులకు నెలకు రూ.40,000 నుంచి రూ.1,40,000 వరకు జీతం అందిస్తారు.
దరఖాస్తు చేసుకోండిలా!
NTPC Online Application Process :
- ముందుగా ఎన్టీపీసీ అధికారిక వెబ్సైట్ www.ntpc.co.in ను ఓపెన్ చేయాలి.
- గేట్ 2023 రిజిస్ట్రేషన్ నంబర్ ద్వారా అప్లై చేసుకోవాల్సి ఉంటుంది.
- ఇందుకోసం ముందుగా దరఖాస్తులో మీ వ్యక్తిగత, విద్యార్హత వివరాలు నమోదు చేయాలి. తరువాత ఒకసారి అన్ని వివరాలు చెక్ చేసుకుని సబ్మిట్ చేయాలి.
- అప్లికేషన్ సబ్మిట్ చేసిన తరువాత ఒక యూనిక్ నంబర్ జనరేట్ అవుతుంది. దానిని జాగ్రత్తగా ఒక దగ్గర నోట్ చేసుకోవాలి.
- తరువాత దరఖాస్తు రుసుమును ఆన్లైన్ లేదా ఆఫ్లైన్లో చెల్లించాలి.
- భవిష్యత్ రిఫరెన్స్ కోసం అప్లికేషన్ ప్రింట్అవుట్ను తీసుకుని భద్రపరుచుకోవాలి.
ముఖ్యమైన తేదీలు
NTPC Recruitment Application Last Date :
- దరఖాస్తు స్వీకరణ ప్రారంభ తేదీ : 2023 అక్టోబర్ 6
- దరఖాస్తు చేయడానికి ఆఖరు తేదీ : 2023 అక్టోబర్ 20
