కొవిడ్ టీకా తీసుకునేందుకు వచ్చిన ఓ వ్యక్తికి పొరపాటున ర్యాబిస్ వ్యాక్సిన్ను ఇచ్చారు ఆసుపత్రి సిబ్బంది. ఈ ఘటన ఉత్తర్ప్రదేశ్లోని లఖింపుర్ఖేరీలో ఆదివారం జరిగింది. బాధితుడు తన వ్యాక్సినేషన్ సర్టిఫికెట్ను కొవిన్ పోర్టల్లో అప్డేట్ చేయమని సిబ్బందిని కోరగా అసలు విషయం బయటపడింది. బాధితుడు.. నయాపుర్వా గ్రామానికి చెందిన శివమ్ జైశ్వాల్గా గుర్తించారు అధికారులు.
శనివారం జరిగిన ఈ ఘటనపై దర్యాప్తునకు ఆదేశించామని చీఫ్ మెడికల్ ఆఫీసర్ వెల్లడించారు. జైశ్వాల్కు రేబిస్ వ్యాక్సిన్ ఇవ్వడం వల్ల అతనికి ఎలాంటి ప్రమాదం ఉండదని.. అది రేబిస్కు ప్రికాషనరీ డోసుగా పనిచేస్తుందని తెలిపారు. వ్యాక్సినేషన్ చేసేటప్పుడు సిబ్బంది అప్రమత్తంగా ఉండాల్సిందని పేర్కొన్నారు.
ఇదీ చూడండి : విమానాశ్రయాల్లో 'యాంబులిఫ్ట్'.. దివ్యాంగులు, రోగులు ఇక నేరుగా..
