సంబరాలు తెచ్చే సంక్రాంతి - ఈ స్పెషల్ కోట్స్, గ్రీటింగ్స్​తో మీ బంధుమిత్రులకు శుభాకాంక్షలు చెప్పండిలా!

Sankranti Special Wishes 2024 : తెలుగు లోగిళ్లలో సంక్రాంతి సంబరం మొదలయ్యింది. పల్లెలు.. బంధుమిత్రులు, కొత్త అల్లుళ్ల రాకతో నూతన శోభను సంతరించుకున్నాయి. పిల్లల నుంచి పెద్దల వరకు అత్యంత ఉత్సాహాంగా జరుపుకునే సంక్రాంతి సందర్భంగా.. మీ బంధుమిత్రులకు ఎప్పుడూ ఒకేలా ఒక్కమాటలో సంక్రాంతి శుభాకాంక్షలు అని చెప్పకుండా.. ఈసారి సరికొత్తగా చెప్పండి. అందుకు "ఈటీవీ భారత్"​ స్పెషల్​ కోట్స్​, సందేశాలు అందిస్తోంది. అవేంటో ఇప్పుడు చూద్దాం..

Makar Sankranti 2024 Wishes in Telugu : తెలుగు రాష్ట్రాలలో సంక్రాంతి సందడి షురూ అయింది. పల్లెలన్నీ బంధుమిత్రులు, కుటుంబసభ్యులతో కొత్త శోభను సంతరించుకున్నాయి. సూర్యుడు మకర రాశిలో ప్రవేశించడాన్ని మకర సంక్రమణం అంటారు. ఈ పుణ్యదినాన్నే సంక్రాంతిగా జరుపుకుంటారు తెలుగువారు. పంట చేతి కొచ్చే సమయంలో, ఆనందోత్సవాల నడుమ మూడు రోజులు ఘనంగా జరుపుకునే ఈ పండగ.. రంగవల్లులు, గొబ్బెమ్మలు, డూడూ బసవన్నలు ఆటలు, హరిదాసుల కీర్తనలు, ఢమరుక నాదాలు, జంగమదేవరల జేగంటలు, పిట్టలదొరల బడాయి మాటలతో సరదాగా సాగిపోతుంది.

ఈ పండగను తెలుగు రాష్ట్రాలతో పాటు మహారాష్ట్ర, కర్ణాటక, తమిళనాడు, పశ్చిమ బంగాల్, గోవా, అస్సాం వంటి రాష్ట్రాల్లో హిందువులు, సిక్కులు ప్రముఖంగా జరుపుకుంటారు. అయితే తెలుగు లోగిళ్లలో మకర సంక్రాంతి(Sankranti 2024) సంబరం అంబరాన్ని అంటుతోంది. మరి మీరు కూడా ఈ పండగ సంతోషాన్ని మీ ఆత్మీయులు, కుంటుంబ సభ్యులతో పంచుకోవాలనుంటున్నారా? అయితే మీకోసం "ఈటీవీ భారత్" అదిరిపోయే సంక్రాంతి సందేశాలు, స్పెషల్ కోట్స్ పట్టుకొచ్చింది. ఎప్పుడూ ఒకేలా కాకుండా ఈ సారి మీ బంధుమిత్రులకు ఇలా విషెస్ చెప్పి వారు మరింత ఆనందపడేలా చేయండి.

Makar Sankranti Special Wishes 2024 :

• 'భోగ భాగ్యాలనిచ్చే భోగి.. సరదాలనిచ్చే సంక్రాంతి.. కమ్మని కనుమ.. కొత్త సంవత్సరంలో కొత్త వెలుగులను నింపాలని కోరుకుంటూ.. మీకు, మీ కుటుంబ సభ్యులకు సంక్రాంతి శుభాకాంక్షలు!'
• 'ఈ పండగ మీ జీవితంలో కొత్త ఆరంభాలు, శుభాలను తీసుకురావాలని కోరుకుంటూ.. మీకు, బంధుమిత్రులందరికీ మకర సంక్రాంతి శుభాకాంక్షలు'
• 'మీ జీవితంలో ఈ సంక్రాంతి సరికొత్త వెలుగులు నింపాలని మనసారా కోరుకుంటూ.. మీకు, మీ కుటుంబ సభ్యులకు పొంగల్ శుభాకాంక్షలు!'
• 'సూర్యుని ఈ కొత్త ప్రయాణం మీ జీవితంలో వెలుగులు నింపాలని ఆకాంక్షిస్తూ.. మీకు, మీ ప్రియమైన వారికి సంక్రాంతి శుభాకాంక్షలు!'
• 'ఈ సంక్రాంతి మీకు ఎన్నో ఆనంద అనుభూతులను మిగల్చాలని మనసారా కోరూకుంటూ.. అందరికీ మకర సంక్రాంతి శుభాకాంక్షలు'
• 'ఉత్తరాయణ పుణ్యకాలాన్ని తెచ్చె మకర సంక్రమణం.. జనులందరికీ వెలుగునిచ్చె నిలువెచ్చని రవికిరణం.. మీకు, మీ ప్రియమైన వారికి హ్యాపీ సంక్రాంతి!!'
• 'ఉదయించే సూర్యునితో.. మీ జీవితంలోని మంచి క్షణాలు, విజయాలు ఉన్నత స్థాయికి ఎదగాలని ఆశిస్తూ.. మీకు, మీ బంధుమిత్రులకు సంక్రాంతి శుభాకాంక్షలు!'
• 'మీకు, మీ కుటుంబ సభ్యులకు సంతోషం.. జీవితకాలం ఉండాలని కోరుకుంటూ.. హ్యాపీ పొంగల్​!'
• 'ఆకాశంలో ఎగిరే రంగురంగుల గాలిపటాల మాదిరిగానే.. మీరు ఎల్లప్పుడూ ఎత్తుకు ఎగరాలని ఆశిస్తూ మకర సంక్రాంతి శుభాకాంక్షలు'

Makar Sankranti Special Quotes in Telugu :

"భోగిపండ్లుగా మారే రేగిపండ్లు..

రంగువల్లుల మధ్య గొబ్బిళ్లు..

ముద్దుల చిన్నారుల చిరునవ్వులు..

ఎక్కడ ఉన్నా మరవలేనివి మన పండుగలు.." -అందరికీ మకర సంక్రాంతి శుభాకాంక్షలు..!!

"తెలుగుదనాన్ని చాటుతూ..

సంప్రదాయాల్ని తెలుపుతూ..

సంక్రాంతి సంబరాన్ని జరుపుకో..

తెలుగు వారసత్వాన్ని నిలుపుకో.." -మీకు, మీ కుటుంబ సభ్యులకు సంక్రాంతి శుభాకాంక్షలు

''గుర్తొచ్చాయా చిన్ననాటి సంగతులు..

వణికే చలిలో భోగి మంటలు..

కొత్త బట్టల కోసం ఎన్నో అలకలు..

మదిలో మెదిలో మధుర స్మృతులు.."- అందరికీ మకర సంక్రాంతి శుభాకాంక్షలు..!

"భోగభాగ్యాలతో.. భోగి

సిరిసంపదలతో.. సంక్రాంతి

కనువిందుగా.. కనుమ

జరుపుకోవాలని కోరుకుంటూ" -అందరికీ సంక్రాంతి శుభాకాంక్షలు!

"ఇంటి ముంగిట కళకళలాడే రంగవల్లులు..

మనకే సొంతమయిన ఆచారాలు..

బసవన్నల ఆటపాటలు..

చిన్నపిల్లల బోసినవ్వులతో..

ఈ పండగ ఆనందమయం కావాలి.." -అందరికీ మకర సంక్రాంతి శుభాకాంక్షలు'

"భోగాలను అందించే భోగి పండ్లు.. కష్టాలను దహించే భోగి మంటలు..

కొత్త అల్లుళ్లకి స్వాగతం పలికే తోరణాలు.. ధాన్యపు రాసులతో నిండిన గదులు..

ఇంటి ముంగిట అందమైన రంగవల్లులు.. గోపికలను సూచించే గొబ్బెమ్మలు.."- మీకు, మీ కుటుంబ సభ్యులకు మకర సంక్రాంతి శుభాకాంక్షలు!!'

'చెరకులోని తీయదనం..

పాలలోని తెల్లదనం..

గాలిపటంలోని రంగుల అందం..

మీ జీవితాల్లో ఆనందం నింపాలని కోరుకుంటూ.." - అందరికీ సంక్రాంతి శుభాకాంక్షలు'