ISRO Apprentice Jobs 2023 : ఇంజినీరింగ్ అర్హతతో.. ఇస్రోలో 435 అప్రెంటీస్​ పోస్టులు.. రేపే సెలక్షన్​!

ISRO Apprentice Jobs 2023 In Telugu : ఉన్నత విద్య అభ్యసించి ప్రభుత్వ ఉద్యోగాల కోసం ప్రిపేర్ అవుతున్న అభ్యర్థులకు శుభవార్త. ఇండియన్​ స్పేస్ రీసెర్చ్ ఆర్గనైజేషన్​ (ఇస్రో) 435 అప్రెంటీస్ పోస్టుల భర్తీకి నోటిఫికేషన్ విడుదల చేసింది. విద్యార్హతలు, వయోపరిమితి, ఫీజు, దరఖాస్తు విధానం తదితర పూర్తి వివరాలు మీ కోసం..

ISRO Apprentice Jobs 2023 : ఇండియన్ స్పేస్ రీసెర్చ్ ఆర్గనైజేషన్​ (ఇస్రో) 435 అప్రెంటీస్​ పోస్టుల భర్తీ కోసం నోటిఫికేషన్ విడుదల చేసింది. ఎంపికైన అభ్యర్థులు.. కేరళ, తిరువనంతపురంలోని విక్రమ్​ సారాబాయి స్పేస్ సెంటర్​లో పనిచేయాల్సి ఉంటుంది.

ఉద్యోగాల వివరాలు

• గ్రాడ్యుయేట్​ అప్రెంటీస్​ పోస్టులు - 273
• టెక్నీషియన్​ అప్రెంటీస్ పోస్టులు - 162

డిపార్ట్​మెంట్స్​
ఎయిరోనాటికల్​/ ఎయిరోస్పేస్​, కెమికల్​, సివిల్​, కంప్యూటర్ సైన్స్​, ఎలక్ట్రికల్​, ఎలక్ట్రానిక్స్​, మెకానికల్​, మెటలర్జీ, ప్రొడక్షన్​, ఫైర్​ అండ్ సేఫ్టీ, హోటల్​ మేనేజ్​మెంట్ అండ్ క్యాటరింగ్​, టెక్నాలజీ డిపార్ట్​మెంట్స్.

విద్యార్హతలు
ISRO Apprentice Eligibility :

• అభ్యర్థులు ఆయా పోస్టులకు అనుగుణంగా.. ప్రభుత్వ గుర్తింపు పొందిన విశ్వవిద్యాలయం లేదా విద్యాసంస్థ నుంచి బీటెక్​/ బీఈ/ బీఎస్సీ/ బీకాం/ బీఏ/ హోటల్​ మేనేజ్​మెంట్ కోర్సుల్లో 60 శాతం కంటే ఎక్కువ మార్కులతో ఉత్తీర్ణత సాధించి ఉండాలి.
• టెక్నీషియన్​ అప్రెంటీస్​ పోస్టులకు మాత్రం.. సంబంధిత విభాగాన్ని అనుసరించి ఇంజినీరింగ్ డిప్లొమా ఉత్తీర్ణత సాధించి ఉండాలి.

వయోపరిమితి
ISRO Apprentice Age Limit :

• గ్రాడ్యుయేట్ అప్రెంటీస్​ పోస్టులకు అప్లై చేసిన అభ్యర్థుల వయస్సు 28 ఏళ్లు లోపు ఉండాలి.
• టెక్నీషియన్​ అప్రెంటీస్ పోస్టులకు దరఖాస్తు చేసిన అభ్యర్థుల వయస్సు 30 ఏళ్లు లోపు ఉండాలి.

ట్రైనింగ్​ - స్టైపెండ్​
ISRO Apprentice Salary :

• గ్రాడ్యుయేట్ అప్రెంటీస్​ పోస్టులకు ఎంపికైన అభ్యర్థులకు 12 నెలలపాటు ట్రైనింగ్ ఉంటుంది. ఈ సమయంలో వారికి నెలకు రూ.9000 చొప్పున అందిస్తారు.
• టెక్నీషియన్​ అప్రెంటీస్ పోస్టులకు ఎంపికైన అభ్యర్థులకు నెలకు రూ.8,000 చొప్పున స్టైపెండ్ అందించడం జరుగుతుంది.

ఎంపిక విధానం
ISRO Apprentice Selection Process :

• గ్రాడ్యుయేట్ అప్రెంటీస్​ పోస్టులకు అభ్యర్థులకు రాత పరీక్ష నిర్వహిస్తారు. ఇందులో ఎవరికైతే మెరిట్ మార్కులు వస్తాయో.. వారినే అప్రెంటీస్ పోస్టుల కోసం ఎంపిక చేస్తారు.
• టెక్నీషియన్ అప్రెంటీస్ పోస్టుల భర్తీకి పరీక్ష, ఇంటర్వ్యూ రెండూ నిర్వహిస్తారు. వీటిలో ఉత్తీర్ణులైన అభ్యర్థులను సదరు ఉద్యోగాలకు ఎంపిక చేస్తారు.

ఇంటర్వ్యూ జరిగే ప్రదేశం : గవర్నమెంట్​ పాలిటెక్నికల్ కాలేజ్​, కలమస్సేరి, ఎర్నాకుళం జిల్లా, కేరళ

దరఖాస్తు విధానం : ఆసక్తిగల అభ్యర్థులు ఆన్​లైన్​లో దరఖాస్తు చేసుకోవాల్సి ఉంటుంది.

ముఖ్యమైన తేదీలు

• ఇంటర్వ్యూ జరిగే తేదీ : 2023 అక్టోబర్ 7
• ఇంటర్వ్యూ జరిగే సమయం : ఉదయం 9.30 నుంచి సాయంత్రం 5 గంటల వరకు.

BEL Engineering Jobs 2023 : బీఈ, బీటెక్​ అర్హతతో.. BELలో ప్రొబేషనరీ ఇంజినీర్​, ఆఫీసర్​​ పోస్టులు.. అప్లై చేసుకోండిలా!