భోజ్పురీ సాంగ్లోని ఓ పదాన్ని స్ఫూర్తిగా తీసుకున్న బిహార్కు చెందిన ఓ యువకుడు వాహనాల చోరీ నియంత్రించేందుకు వినూత్న పరికరాన్ని తయారుచేశాడు. ఎవరైనా చోరీ చేసేందుకు ప్రయత్నిస్తే వాహనం అక్కడికక్కడే ఆగిపోయేలా పరికరాన్ని రూపొందించాడు. పొరపాటున అగ్నిప్రమాదాలు సంభవిస్తే.. ప్రాణాపాయం లేకుండా చేసేందుకూ ఈ పరికరం ఉపయోగపడుతుందని యువకుడు చెబుతున్నాడు.
గయాలోని వాజిర్గంజ్కు చెందిన విక్కీ యాదవ్.. పలు నెలల పాటు శ్రమించి ఈ పరికరాన్ని సిద్ధం చేశాడు. వాహన చోరీల నియంత్రణలో భాగంగా కనిపెట్టిన ఈ డివైజ్ ద్వారా బైక్ కానీ కార్ కానీ చోరీకి గురైతే వెంటనే అది యజమానిని అలర్ట్ చేస్తుంది. నిరంతర శ్రమ తర్వాత ఎట్టకేలకు పరికరాన్ని తయారు చేయడంలో విజయం సాధించాడని విక్కీ పేర్కొన్నాడు. 'భజ్ రింగ్టోన్' అంటూ సాగే భోజ్పురీ స్టార్ కేసరి లాల్ యాదవ్ పాటను స్ఫూర్తిగా తీసుకొని ఈ పరికరం రూపొందించినట్లు విక్కీ చెప్పాడు.
"ఎవరైనా ఈ పరికరాన్ని ఉపయోగిస్తే, అతని బైక్ లేదా కారును ఇతరులు దొంగలించడం సాధ్యం కాదు. ఈ రకమైన పరికరాన్ని సాధారణంగా ట్రక్కుల్లో ఉపయోగిస్తారు. దీని ద్వారా ఆ వాహనానికి మంటలు అంటుకుంటే.. డివైజ్ ఆ వాహనాన్ని ఆటోమేటిక్‌గా ఆపేస్తుంది. డ్రైవర్ నిద్రపోయినా కూడా ఈ పరికరం వాహనాన్ని నిలిపివేస్తుంది. ప్రభుత్వం ఈ డివైజ్ను ప్రోత్సహించి నాకు సహాయం చేస్తే, నేను దీన్ని మరింత అభివృద్ధి చేయడానికి సిద్ధంగా ఉన్నాను."
-విక్కీ యాదవ్, డివైజ్ రూపకర్త
బైక్ లేదా ఫోర్ వీలర్ దొంగతనానికి గురైతే ఆ సమయంలో.. వాహనంలోని డివైజ్ యజమానిని అప్రమత్తం చేస్తుంది. బైక్ను తాకినా లేకపోతే ఎవరైనా దాన్ని తరలించేందుకు ప్రయత్నించినా.. వెంటనే యజమాని ఫోన్కు కాల్ వచ్చేస్తుంది. అంతే కాకుండా ఇందులోని ఆడియో డివైజ్ ద్వారా ఆ సమయంలో వారు ఏం మాట్లాడుకుంటున్నారో కూడా తెలుస్తుంది. పొరపాటున ఏదైనా వాహనం ఆన్లో ఉంటే యజమాని కూర్చున్న చోటు నుంచే దాన్ని ఆఫ్ చేసే వీలుంటుంది. 100 కిలోమీటర్ల దూరంలో కూడా ఈ పరికరం పని చేస్తుందని విక్కీ చెబుతున్నాడు. లారీ లాంటి పెద్ద వాహనాల్లో అగ్నిప్రమాదం సంభవిస్తే, లేదా దాని డ్రైవర్ నిద్రపోతే ఈ పరికరం ప్రభావవంతంగా ఉపయోగపడుతుందని అంటున్నాడు.
