పుట్టినరోజు వేడుకల్లో విషాదం చోటుచేసుకుంది. అత్యుత్సాహం ప్రదర్శించిన బర్త్డే బాయ్.. తుపాకీ తీసి గాల్లో కాల్పులు జరపబోయాడు. ఈ క్రమంలో తుపాకీ పేలి.. మరో యువకుడు మృతిచెందాడు. ఛత్తీస్గఢ్లోని దుర్గ్ జిల్లాలో జరిగిందీ ఘటన.
ఇదీ జరిగింది..
దుర్గ్ జిల్లా వైశాలి పోలీస్ స్టేషన్ పరిధిలోని జవహార్ నగర్లో 12వ తరగతి చదువుతోన్న ఓ యువకుడు స్నేహితులతో కలిసి పుట్టినరోజులు వేడుకులు జరుపుకున్నాడు. ఈ క్రమంలో తన అంకుల్ ధనంజయ సింగ్ పేరు మీద ఉన్న లైసెన్స్డ్ తుపాకీని బయటకు తీసి లోడింగ్, అన్లోడింగ్ చేశాడు. ఈ క్రమంలో అది అనుకోకుండా పేలింది. ఆ బుల్లెట్ మరో యువకుడి పొట్టలోకి దూసుకెళ్లింది. దీంతో బాధితుడిని వెంటనే సమీపంలోని ఆస్పత్రికి తరలించారు. కానీ ఆ యువకుడు అప్పటికే మరణించినట్లు వైద్యులు నిర్ధరించారు.
సమాచారం అందుకుని ఘటనాస్థలానికి చేరుకున్న పోలీసులు.. ధనంజయ సింగ్ను అదుపులోకి తీసుకుని విచారిస్తున్నట్లు తెలిపారు. తుపాకీని స్వాధీనం చేసుకున్నట్లు వెల్లడించిన అధికారులు.. కేసు నమోదు చేసి దర్యాప్తు చేస్తున్నట్లు వెల్లడించారు.
ఇదీ చూడండి: Live Video: పాములకు రాఖీ కట్టేందుకు యత్నం- వ్యక్తి మృతి
