Chennai First SC woman Mayor: చెన్నై కార్పొరేషన్కు తొలిసారిగా షెడ్యూల్ కులాలకు చెందిన ఓ మహిళ మేయర్గా ఎంపికయ్యారు. ఇటీవల జరిగిన పురపాలిక ఎన్నికల్లో ఈ స్థానాన్ని ఎస్సీలకు రిజర్వ్ చేయగా.. డీఎంకే ఘన విజయం సాధించింది. చెన్నైలో 153 వార్డులను స్టాలిన్ పార్టీ కైవసం చేసుకుంది.
ఈ నేపథ్యంలోనే తమ పార్టీ అభ్యర్థి ప్రియా రాజన్ను మేయర్ పదవికి ఎంపిక చేసింది డీఎంకే. తద్వారా.. 340 ఏళ్ల చెన్నై పురపాలిక చరిత్రలో మేయర్ పదవికి ఎన్నికైన తొలి దళిత అభ్యర్థిగా ప్రియా రాజన్ రికార్డు సృష్టించారు.
గతంలో పలువురు మహిళలు చెన్నై పీఠాన్ని అధిరోహించారు. అయితే, దళిత మహిళ పదవిని చేపట్టడం మాత్రం ఇదే తొలిసారి. 1957లో తారా సెరియన్ అనే మహిళ తొలిసారి చెన్నై కార్పొరేషన్కు మేయర్గా సేవలు అందించారు. అనంతరం 1971-72 మధ్య కామాచ్చి జయరామన్.. ఈ పదవిని చేపట్టిన రెండో మహిళగా నిలిచారు.
ఇదీ చదవండి: క్రిప్టోకరెన్సీ పేరుతో రూ.కోట్ల మోసం.. హైదరాబాద్లో ఇద్దరు అరెస్టు
