Serial Actor Arrest : కోల్కతాలో జరుగుతున్న అంతర్జాతీయ పుస్తక ప్రదర్శనలో దొంగతనం చేసినందుకు బంగాలీ నటి రూపా దత్ను పోలీసులు అరెస్ట్ చేశారు. చాకచక్యంగా బాధితుల దృష్టి మరల్చి వారి పర్సులను కొట్టేసినట్లు అధికారులు చెబుతున్నారు.
ఇలా కొట్టేసిన ఓ పర్స్ను ఆమె చెత్త కుండీలో వేయడం చూసిన ఉత్తర బిధాన్నగర్ పోలీసు అధికారి అమెను అదుపులోకి తీసుకుని విచారించారు. దీంతో అసలు విషయం బయట పడింది. పోలీసులు ప్రశ్నిస్తుండగా.. రూప చెప్పిన సమాధానాలతో వారికి సందేహం వచ్చింది. ఈ క్రమంలో ఆమె బ్యాగ్ను చెక్ చేయగా అందులో రూ. 75 వేల నగదుతో పాటు చాలా పర్స్లు కూడా ఉన్నట్లు పోలీసులు గుర్తించారు.
అయితే ఈ నేరంతో నటి రూపకు మాత్రమే సంబంధం ఉందా లేక దీని వెనుక ఎవరు అయినా ఉన్నారా అనే దానిపై పోలీసులు దర్యాప్తు చేపట్టారు. రూపా దత్ బంగాలీలో కొన్ని సీరియల్స్లో నటించి మంచి నటిగా గుర్తింపు తెచ్చుకుంది.
ఇదీ చూడండి: పోలీసుల ఓవర్ యాక్షన్- రోడ్డుపై ఈడ్చి, బూటుకాలితో తన్ని..
