CPS Cancellation జీపీఎస్​పై ఎట్టి పరిస్థితుల్లో ప్రభుత్వ ప్రతిపాదనను అంగీకరించలేము : ఏపీటీఎఫ్

teachers on cps cancellation: రాష్ట్ర ప్రభుత్వం కొత్తగా తెస్తామంటున్న జీపీఎస్ పెన్షన్ విధానం ఉద్యోగుల గొంతు మరింత నొక్కేలా ఉందని ఏపీటీఎఫ్ గుంటూరు జిల్లా అధ్యక్షులు బసవలింగారావు అన్నారు.  సీపీఎస్ రద్దుపై ఎటువంటి హామీ ఇవ్వని రాష్ట్రాలు సీపీఎస్​ రద్దు చేసి పాత పెన్షన్​ విధానాన్ని అమలు చేస్తున్నాయని తెలిపారు. కానీ, ఏపీ ముఖ్యమంత్రి జగన్​మోహన్​ రెడ్డి మాత్రం సీపీఎస్​ రద్దు చేస్తానని హామీ ఇచ్చి.. దాని నుంచి వైదొలగరని అగ్రహం వ్యక్తం చేశారు. అంతేకాకుండా హామీపై ఉద్యోగులను మభ్య పెడుతున్నారని ఆరోపించారు. ఎట్టి పరిస్థితుల్లో సీపీఎస్​, జీపీఎస్​ ఒక్కటి కాదని ఉపాధ్యాయులు స్పష్టం చేస్తున్నారు. సీపీఎస్​లో అనేక లోపాలున్నాయని.. రద్దు చేయాలని ఉద్యోగులు కోరుతున్నారు. ఎట్టి పరిస్థితుల్లో ప్రభుత్వ వాదనను అంగీకరించలేమని అన్నారు. సీపీఎస్​ రద్దు చేయాలని గతంలో పోరాటం చేసినట్లు.. పోరాట ఫలితంగా అప్పుడు ఉన్న ప్రభుత్వాలు కంట్రీబూషన్​, ఫ్యామిలీ పెన్షన్, పార్శల్​ డిపాజిట్లు​ వంటి సదుపాయలను కల్పించిందన్నారు. ప్రతిపక్షంలో ఉన్న సమయంలో జగన్​మోహన్​ రెడ్డి.. అధికారంలోకి వచ్చిన వారం రోజుల్లోనే  సీపీఎస్​ను రద్దు చేస్తానని.. ఓపీఎస్​ తీసుకోస్తానని అన్నారని గుర్తు చేశారు. ప్రభుత్వం తెస్తామంటోన్న జీపీఎస్​ను వ్యతిరేకిస్తున్న ఏపీటీఎఫ్ నేతలతో మా ప్రతినిధి ఎస్పీ చంద్రశేఖర్ ముఖాముఖి.