ఎల్లలు దాటినా చెక్కుచెదరని అభిమానం - చంద్రబాబు ఆరోగ్యంగా ఉండాలని సింగపూర్‌లో పాదయాత్ర, పూజలు

TDP Forum Members Padayatra in Singapur : చంద్రబాబుకు మద్దతుగా సింగపూర్‌లో తెలుగుదేశం ఫోరం సభ్యులు పాదయాత్ర చేపట్టారు. ఆయన అవినీతి కేసు నుంచి పూర్తిగా బయటపడి ఆయురారోగ్యాలతో ఉండాలని కోరుకుంటూ పాదయాత్ర చేపట్టారు. ఈ యాత్ర సీన్గాకాంగ్ వెల్మురుగన్ దేవాలయం నుంచి లిటిల్‌ ఇండియాలోని తిరుమల్ శ్రీనివాసం దేవాలయం వరకు 13కిలోమీటర్ల మేర నిర్వహించారు. అనంతరం ఆలయంలో స్వామివారికి ప్రత్యేక పూజలు చేయించారు. తరవాత 3వందల మందికి అన్నదానం చేశారు. ఈ కార్యక్రమంలో తెలుగుదేశం ఫోరం సభ్యులంతా పాల్గొని చంద్రబాబుకు అంతా మంచి జరగాలని వెంకటేశ్వర స్వామివారిని కోరుకున్నారు.

Special Pooja for Chandrababu Naidu Health in Singapur : చంద్రబాబుపై వైసీపీ ప్రభుత్వ అక్రమ కేసు తరువాత బాబు అభిమానులు వివిధ రకాలుగా పలు కార్యక్రమాలు చేపడుతున్న విషయం తెలిసింది. ఇదే తరహాలో అనారోగ్య సమస్యలతో బెయిల్​ మీద బయటకొచ్చిన బాబు ఆరోగ్యం గురించి కూడా పలువురు కార్యక్రమాలు చేపడుతున్నారు. దేశ, విదేశాల్లోని ప్రజలు టీడీపీ అధినేత పట్ల వారి అభిమానాన్ని చాటుకుంటున్నారు.