నారా లోకేశ్​కు క్రిస్మస్ కానుక పంపిన షర్మిల - కృతజ్ఞతలు తెలుపుతూ ట్వీట్

Nara Lokesh About YS Sharmila Christmas Gift: తెలుగుదేశం జాతీయ ప్రధాన కార్యదర్శి నారా లోకేశ్​కు జగన్ సోదరి, వైఎస్ రాజశేఖరరెడ్డి కుమార్తె షర్మిల క్రిస్మస్ కానుక పంపారు. ఈ మేరకు షర్మిలకు కృతజ్ఞతలు తెలుపుతూ లోకేశ్ ట్విట్టర్‌లో పోస్ట్ చేశారు. నారా కుటుంబం తరఫున షర్మిలకు క్రిస్మస్, నూతన సంవత్సర శుభాకాంక్షలు తెలిపారు. 

Chandrababu Naidu Lokesh conveys Christmas Wishes: క్రిస్మస్‌ సందర్భంగా ప్రపంచ వ్యాప్తంగా ఉన్న క్రైస్తవులకు తెలుగుదేశం అధినేత చంద్రబాబు, పార్టీ జాతీయ ప్రధాన కార్యదర్శి నారా లోకేశ్​లు శుభాకాంక్షలు తెలిపారు. క్రిస్మస్ పర్వదినాన్ని ఆనందోత్సాహాలతో జరుపుకోవాలని చంద్రబాబు ఆకాంక్షించారు. సమాజంలోని బాధితుల పక్షాన నిలబడి ప్రేమను పంచడం అందరిని సమదృష్టితో చూడటం ద్వారా క్రీస్తు ఆశించిన శాంతియుత సమాజ స్థాపనకు కృషి చేద్దామని పిలుపునిచ్చారు. ప్రభువైన ఏసు క్రీస్తు ఆచ‌రించిన‌ ప్రేమ‌, క‌రుణ‌, స‌హ‌నం ప్రతి ఒక్కరిలో పెంపొందాలని లోకేశ్ తెలిపారు. క‌రుణామ‌యుడైన క్రీస్తు మ‌న‌కు అందించిన శాంతి సందేశం స‌మాజానికి పంచి ప్రపంచ‌శాంతికి దోహ‌ద‌ప‌డాలని కోరారు. క్రీస్తు చూపిన మార్గమైన ద‌య, త్యాగ‌గుణం ప్రతీ ఒక్కరూ అల‌వ‌రుచుకున్నప్పుడే జీవితం సంతోష‌మ‌యం అవుతుందన్నారు. ద‌యామ‌యుడు లోకానికి వ‌చ్చిన ప‌ర్వదిన‌మైన క్రిస్మస్ పండ‌గ‌ని ఆనందోత్సాహాల‌తో జ‌రుపుకోవాల‌ని ఆకాంక్షిస్తున్నట్లు తెలిపారు.