పోలీస్​స్టేషన్​లో సంక్రాంతి సందడి.. సాంప్రదాయ దుస్తుల్లో రక్షకభటులు

కడప జిల్లా రాజంపేట పట్టణ పోలీస్ స్టేషన్​లో ఘనంగా సంక్రాంతి సంబరాలు నిర్వహించారు. బాధితులు, నిందితులతో నేర వాతావరణంలో ఉండే పోలీస్ స్టేషన్​లో ఒక్కసారిగా పండగ వాతావరణం దర్శనమిచ్చింది. పోలీసులు కుటుంబాలతో కలిసి ఒకేచోట చేరి సందడి చేశారు. పోలీసులు పంచె కట్టుతో అలరించారు. ఈ సందర్భంగా మహిళలకు ముగ్గుల పోటీలు, లెమన్ స్పూన్, తాడాట, కుర్చీలాట పోటీలు నిర్వహించారు. ఈ పోటీల్లో విజేతలకు డీఎస్పీ నారాయణ స్వామిరెడ్డి, పట్టణ సీఐ శుభ కుమార్, ఎస్ఐ ప్రతాపరెడ్డి బహుమతులు అందజేశారు.

ఇవీ చూడండి...