కడప జల్లా రామాపురం మండలం గువ్వలచెరువు ఘాట్ రోడ్డులో జరిగిన ప్రమాదంలో ఓ వ్యక్తి అక్కడికక్కడే దుర్మరణం పాలయ్యాడు. మరో వ్యక్తికి గాయాలయ్యాయి. రాయచోటి నుంచి కడప వెళ్లే కంటైనర్ లారీకి బ్రేకులు ఫెయిల్ కావటం వల్ల.. ఎదురుగా వస్తున్న ద్విచక్రవాహనాన్నిఢీకొట్టింది. ఈ ప్రమాదంలో బైక్ నడుపుతున్న ఈశ్వరయ్య(40) అనే వ్యక్తి తీవ్రంగా గాయపడి అక్కడికక్కడే మృతి చెందారు. లారీ డ్రైవర్ స్వల్ప గాయాలతో బయటపడ్డాడు. చింతకొమ్మదిన్నె పోలీసులు ఘటనాస్థలానికి చేరుకుని క్షతగాత్రుడిని కడప రిమ్స్ కి తరలించారు. పోలీసులు కేసు నమోదు చేసి, దర్యాప్తు చేస్తున్నారు.
ఇదీ చదవండి: ఎస్సీ మహిళ హత్యాచార కేసులో అసలు నిందితులెవరు? వర్ల రామయ్య
