కడపలో హజ్ హౌజ్ ప్రారంభం

కడప జిల్లాలోని చెన్నూరు వద్ద 27 కోట్ల రూపాయలతో నిర్మించిన హజ్ హౌస్​ను మంత్రులు ఆదినారాయణరెడ్డి, ఫరూక్, మండలి ఛైర్మన్ షరీఫ్ ప్రారంభించారు.

కడప జిల్లాలోని చెన్నూరు వద్ద హజ్ హౌజ్ఏర్పాటు చేయడం ఆనందంగా ఉందని మైనారిటీ సంక్షేమ శాఖ మంత్రి ఫరూక్ అన్నారు. 27 కోట్ల రూపాయలతో నిర్మించిన హజ్ హౌస్​ను మంత్రులు ఆదినారాయణరెడ్డి, ఫరూక్, మండలి ఛైర్మన్ షరీఫ్ ప్రారంభించారు. ఒకేసారి 450 మంది కూర్చునే విధంగా వసతులు ఏర్పాటు చేశామని తెలిపారు. హజ్ హౌస్ నిర్వహణ బాధ్యతలు జిల్లా కలెక్టర్ తీసుకోవాలని మంత్రి ఫరూక్ సూచించారు. ఇక్కడే షాదీఖానా ఏర్పాటు చేయడానికి కృషి చేస్తానని తెలిపారు. కడప విమానాశ్రయం నుంచి హజ్ యాత్రకు వెళ్లడానికి విమాన సౌకర్యం అందుబాటులోకి వస్తుందని మంత్రి తెలిపారు. అనంతరం చెన్నూరులో అండర్ గ్రౌండ్ డ్రైనేజీ పనులకు శంకుస్థాపన చేశారు.