Visakha Steel Plant: విశాఖ ఉక్కు కర్మాగారం సరికొత్త రికార్డు నెలకొల్పింది. బ్లాస్ట్ ఫర్నేస్ ఈ ఘనతను నమోదు చేసింది. బ్లాస్ట్ ఫర్నేస్ పనిచేయడం ప్రారంభించినప్పటి నుంచి ఇప్పటి వరకు ఎన్నడూ లేని విధంగా ఒక్క రోజులో 8100 టన్నుల ఉక్కును ఉత్పత్తి చేసి రికార్డు నెలకొల్పింది. గతంలో ఈ బ్లాస్ట్ ఫర్నేస్ ఒక్కరోజులో చేసిన ఉత్పత్తి... 8019 టన్నులు మాత్రమే. ఇప్పుడు దానిని తిరగరాసి సరికొత్త ఉత్పత్తి రికార్డు నెలకొల్పింది. సంక్రాంతి నాడు అంటే 15వ తేదీన ఈ ఉత్పత్తి రికార్డును నమోదు చేసింది. విశాఖ ఉక్కు కర్మాగారం బ్లాస్ట్ ఫర్నేస్ సిబ్బంది దీనిని సాధించడం ద్వారా మరొకసారి తమ దృఢ సంకల్పాన్ని చాటి చెప్పారు. బిఎఫ్1 (గోదావరి బ్లాస్ట్ ఫర్నేస్ ) 1990లో ఉత్పత్తి ప్రారంభించింది. దాదాపు మూడు దశాబ్దాలు పైగా పని చేస్తోంది..ప్రారంభం నుంచి BF1 ఉత్పాదనలో ఇదే అత్యుత్తమ ఉత్పాదన.. దీనిని సాధించినందుకు సిబ్బందిని సీఎండీ అతుల్ భట్ అభినందించారు.
ఇవీ చదవండి:
