ఒంగోలుకు తందూరి ఛాయ్​ రుచి చూపించాడు

ఆరోగ్యకరమైన కొత్త రుచులకు వినియోగదారులు ఎల్లప్పుడూ ఆకర్షితులవుతుంటారు. ఇదే సూత్రాన్ని పాటించిన ఓ యువకుడు.... మెట్రో నగరాల్లో దొరికే తందూరి ఛాయ్​ని ప్రకాశం జిల్లా ఒంగోలు ప్రజలకు పరిచయం చేశాడు. ఈ తేనీరు రుచిని ఆస్వాదించడానికి పట్టణవాసులు వరుస కడుతున్నారు.

మెట్రో నగరాల్లో వ్యాపారులకు లాభాలు తెచ్చిపెడుతోంది తందూరి ఛాయ్. మంచి రుచి, ఆరోగ్యకరం కావటడంతో దీనిని తాగేందుకు ఛాయ్ ప్రియులు క్యూ కడుతున్నారు. ఈ తేనీరు రుచిని ఒంగోలు వాసులకు పరిచయం చేశాడు అదే పట్టణానికి చెందిన రాజేష్. ఎంబీఎ చదివిన ఇతను... ఇటీవలే మంగమూరు రోడ్డులో టీ స్టాల్‌ను ప్రారంభించాడు.

చిన్నపాటి మట్టి కూజాను అగ్ని కొలిమిలో వేడి చేసి, ఆ తరువాత మసాలా టీని అందులో పోసి మట్టి కప్పులలో వినియోగదారుడికి అందిస్తున్నాడు. ఈ మట్టి కప్పును ఒకసారి మాత్రమే వినియోగిస్తున్నాడు. గుజరాత్ నుంచి వీటిని తెప్పిస్తున్నారు. అంతేకాకుండా ఒక్కో ఛాయ్​ను కేవలం 15 రూపాయలకే విక్రయిస్తున్నాడు. దీని రుచి చూసేందుకు ఒంగోలు వాసులు ఆసక్తి కనబరుస్తున్నారు.

ఇదీ చదవండి