నెల్లూరులోని వీఆర్సీ సెంటర్ వద్ద ఇండియన్ రెడ్ క్రాస్ శతాబ్ది ఉత్సవాలు ఘనంగా నిర్వహించారు. జిల్లా కలెక్టర్ చక్రధర బాబు, ఎస్పీ భాస్కర్ భూషణ్ కలిసి అక్కడ ఏర్పాటు చేసిన స్టాల్స్ పరిశీలించారు. వారిద్దరూ సైకిల్ యాత్రను ప్రారంభించి.. సైకిల్ తొక్కుతూ.. రెడ్ క్రాస్ అందిస్తున్న సేవలపై అవగాహన కల్పించారు. ప్రతి ఒక్కరూ చిన్నతనం నుంచే సేవాభావం అలవర్చుకోవాలని కలెక్టర్ పిలుపునిచ్చారు. సేవా దృక్పథంతో ప్రారంభమైన ఈ సంస్థ వందేళ్లుగా సేవలు అందిస్తుండటం అభినందనీయమన్నారు.
స్వచ్ఛభారత్లో భాగంగా నెల్లూరును శుభ్రత, ఆరోగ్యపరంగా దేశంలోనే ముందుంచేందుకు విద్యార్థులు తమవంతు కృషి చేయాలని కలెక్టర్ కోరారు. జిల్లాలోని రెడ్ క్రాస్కు దేశంలోనే ప్రత్యేక గుర్తింపు ఉందని ఆ సంస్థ రాష్ట్ర చైర్మన్ శ్రీధర్ రెడ్డి తెలిపారు. కరోనా, ఎన్నికల సమయాల్లో మెరుగైన సేవలందించినట్లు చెప్పారు. రక్త సేకరణలోనూ, యూత్ మెంబర్ల నియామకంలోనూ నెల్లూరు రెడ్ క్రాస్ ముందజలో ఉందని కొనియాడారు. ఈ కార్యక్రమంలో రెడ్ క్రాస్ రాష్ట్ర, జిల్లా చైర్మన్లు శ్రీధర్ రెడ్డి, చంద్రశేఖర్ రెడ్డి పాల్గొన్నారు.
ఇదీ చదవండి: తిరుపతిలో గెలిపించండి.. రాష్ట్ర ప్రయోజనాలు కాపాడతా: పనబాక లక్ష్మీ
