పార్వతీపురం మన్యం జిల్లాలో జ్వరాలు విజృంభిస్తున్నాయి. అడపాదడపా కురుస్తున్న వర్షాలకు జ్వరాల వ్యాప్తి ఎక్కువైంది. జిల్లా కేంద్రంలోని పెద్ద ఆసుపత్రిలో రోజుకి ఆరు నుంచి ఏడుగురు చిన్నారులు జ్వరాల కారణంగా ఆసుపత్రిలో చేరుతున్నట్లు వైద్యాధికారులు చెబుతున్నారు. గడచిన వారం రోజుల్లో 80 నుంచి 100 మంది వరకు జ్వరాల బారిన పడి ఆసుపత్రిలో చేరినట్లు వైద్యులు వెల్లడించారు.
జిల్లా ఆసుపత్రికి రోగులు తాకిడి ఎక్కువగా ఉండటంతో మంచానికి ఇద్దరు రోగులను ఉంచాల్సిన పరిస్థితి ఏర్పడింది. జ్వరాల కేసులు అధికంగా నమోదయ్యే గ్రామాల్లో శిబిరాలు ఏర్పాటు చేస్తున్నట్లు వైద్యారోగ్య శాఖ అధికారులు స్పష్టం చేశారు. పరిసరాలు, తాగునీటి విషయంలోనూ అవగాహన కల్పిస్తున్నామన్నారు.
ఇవీ చూడండి
