Why Not 175: ఎన్నికలు వస్తున్నాయంటే రాజకీయ పార్టీలు తమ పాలసీలు ప్రజల్లోకి తీసుకెళ్లడానికి పలు కార్యక్రమాలు చేపడతాయి. వైఎస్సార్సీపీ ప్రభుత్వం చేసిన సంక్షేమ పథకాలను ప్రజలు గుర్తుపెట్టకునే విధంగా ఉండాలనీ అధికార పార్టీ కొత్త కార్యక్రమానికి ఆహ్వానం పలికింది. ఈ నెల 11న మరో కొత్త కార్యక్రమం ప్రారంభించాలని వైఎస్సార్సీపీ నిర్ణయించింది. సంక్షేమ పథకాలు అందుకుంటోన్న వారి ఇళ్లకు.. సీఎం జగన్ ఫొటోతో కూడిన స్టిక్కర్ను అతికించాలని నిర్ణయించారు. ఏ ఇంటికి పథకాలు అందుతున్నాయన్న వివరాలు సేకరించి.. ఆ ఇంటికి జగన్ స్టిక్కర్ వేయనున్నారు. పార్టీపరంగా నియమించిన గృహసారథులు, స్థానిక వాలంటీర్లు సమన్వయం చేసుకుని ఇళ్లు గుర్తించి ఇంటి డోర్కు స్టిక్కర్లు అతికించనున్నారు.
''మా నమ్మకం నువ్వే జగన్" అనే టాగ్ లైన్తో సీఎం జగన్, వైఎస్సార్సీపీ గుర్తు ఫ్యాన్ కల్గిన ప్రత్యేక స్టిక్కర్లు వేయనున్నారు. ఇంటి యజమాని అనుమతితో మాత్రమే స్టిక్కర్ వేయాలని నిర్ణయించారు.
ఇవీ చదవండి
