Tenali Crime News: గుంటూరు జిల్లా తెనాలిలో బాలుడిపై ఓ పాస్టర్ లైంగిక దాడి చేశాడు. పోలీసులు, కుటుంబ సభ్యులు తెలిపిన వివరాల ప్రకారం.. విజయవాడకు చెందిన దంపతులు.. తమ బిడ్డను దేవుని సన్నిధిలో ఉంచితే మంచి జరుగుతుందని భావించారు. దీంతో.. 9 ఏళ్ల వయసున్న తమ పిల్లాడిని తెనాలి పట్టణం ఐతానగర్లోని కల్వరి ప్రార్థన మందిరంలో గత ఏడాది మే 3న వదిలి వెళ్లారు. అప్పటి నుంచీ అక్కడే ఉంటున్నాడు. అవసరమైనప్పుడు తల్లిదండ్రులతో ఫోన్లో మాట్లాడుతూ ఉండేవాడు.
అయితే.. ఇటీవల ఇంటికి వచ్చేస్తానని చెప్పడంతో ఈ ఏడాది ఫిబ్రవరి 10న బాలుడిని ఇంటికి తీసుకెళ్లారు. ఇంటికి వెళ్లిన దగ్గర్నుంచి బాలుడు అనారోగ్యంగా ఉండటంతో తల్లిదండ్రులు ఆరా తీశారు. దీంతో.. పాస్టర్ అహరోన్ ప్రకాశ్ తనపై లైంగిక దాడికి పాల్పడ్డాడని బాలుడు చెప్పాడు. ఈ అమానుష సంఘటన తెలుసుకున్న తల్లిందండ్రులు.. వెంటనే తెనాలి 2వ పట్టణ పోలీస్ స్టేషన్లో ఫిర్యాదు చేశారు. పాస్టర్పై ఫోక్సో చట్టం కింద కేసు నమోదు చేసిన పోలీసులు.. రిమాండ్కు తరలించారు.
ఇదీ చదవండి:
Today Crime: రెండు కార్లు ఢీ.. ముగ్గురికి తీవ్రగాయాలు
