ఓ యువకుడికి దొంగతనం చేయాలనే దుర్బుద్ధి పుట్టింది. దాని కోసం ఓ ఇంటిని ఎంచుకుని పథకం వేశాడు. అనుకోని విధంగా ఆ ఇంట్లో చిక్కుకుని గురకపెట్టి నిద్రపోయి దొరికిపోయాడు.
విశ్వసనీయ సమాచారం ప్రకారం... తూర్పుగోదావరి జిల్లా గోకవరానికి చెందిన చవుటపల్లి సురేష్(21) శుక్రవారం రాత్రి స్థానికంగా ఉండే ఓ వ్యాపారి ఇంట్లోకి ప్రవేశించాడు. చోరీ ప్రయత్నంలో ఉండగా... యాజమాని రావడం గుర్తించి అతడి కంట పడకుండా మంచం కింద దాక్కున్నాడు. వ్యాపారి నిద్రపోయిన తరవాత బయటకు రావాలని భావించి అక్కడే నిరీక్షిస్తూ నిద్రలోకి జారుకున్నాడు. వేకువజామున మంచం కింద నుంచి గురక శబ్ధం రావడం గుర్తించిన వ్యాపారి... దొంగను చూసి ఆందోళన చెందాడు. వెంటనే గదికి తాళం వేసి పోలీసులకు సమాచారం అందించటంతో అదుపులోకి తీసుకున్నారు.
ఇదీ చదవండి
