Bapatla District Crime News: బాపట్ల మండలంలో మైనర్ బాలికపై నంద అనే యువకుడు అత్యాచారానికి యత్నించాడు. శుక్రవారం జరిగిన ఈ ఘటనపై పోలీసులు కేసు నమోదు చేశారు. అయితే.. గ్రామ పెద్దలు కొందరు కేసు లేకుండా రాజీ ప్రయత్నాలు ప్రారంభించారు. దీంతో పోలీసులు కూడా తదుపరి చర్యలు చేపట్టలేదు. ఫలింతగా బాలిక తల్లిదండ్రులు.. ఐసీడీఎస్ అధికారులను కలిసి ఫిర్యాదు చేశారు. ఫిర్యాదు చేసినా.. పోలీసుల నుంచి సరైన స్పందన లేదని బాలిక బంధువులు ఆరోపించారు.
బాధితుల ఫిర్యాదు మేరకు.. ఐసీడీఎస్ పీడీ లావణ్య క్షేత్రస్థాయిలో విచారణ చేపట్టారు. బాలికతోపాటు ఆమె తల్లిదండ్రులతో మాట్లాడారు. యువకుడు అత్యాచారానికి యత్నించింది నిజమేనని ఐసీడీఎస్ పీడీ తేల్చారు. నిందితుడికి శిక్ష పడేలా చేస్తామని.. ప్రభుత్వం తరఫున అండగా నిలుస్తామని బాధిత కుటుంబానికి హామీ ఇచ్చారు.
