తమిళ నటుడు దళపతి విజయ్ తాజాగా ఇన్స్టా అకౌంట్ క్రియేట్ చేసుకున్నాడు. ఆదివారం ఈ సోషల్ మీడియా వేదికగా తన అభిమానులను పలకరించాడు. ఈ క్రమంలో ఓ పోస్ట్ పెట్టిన విజయ్ హలో నన్బాస్ అండ్ అండ్ నన్బీస్ అంటూ క్యాఫ్షన్ను జత చేశాడు. ఈ పోస్ట్ చూసిన అభిమానులు సంబరాలు చేసుకుంటున్నారు. ఇప్పటికే ఆయన అకౌంట్కు లక్షకు పైగా ఫాలోవర్లు యాడ్ అయ్యారు. ట్విట్టర్లోనూ ఆయన అభిమానులు ఈ విషయాన్ని ట్రెండింగ్ చేస్తున్నారు. కాగా జాయిన్ అయిన కొద్ది గంటల్లోనే వన్ మిలియన్ ఫాలోవర్లను సొంతం చేసుకుని రికార్డుకెక్కాడు.
ఇటీవలే 'వారసుడు' సినిమా సక్సెస్ను ఆస్వాదిస్తున్న ఈ స్టార్ హీరో ప్రస్తుతం లోకేశ్ కనగరాజ్ దర్శకత్వంలో తెరకెక్కుతున్న 'లియో' సినిమాలో నటిస్తున్నాడు. ఈ సినిమా షూటింగ్ ప్రస్తుతం శరవేగంగా సాగుతోంది. ఇప్పటికే రిలీజైన టైటిల్ టీజర్ ప్రేక్షకులను ఎంతగానో ఆకట్టుకుంది. అందులోని ప్రతీ సీన్ ఎంతో ఉత్కంఠ రేపుతోందంటూ అభిమానులు నెట్టింట తెగ కామెంట్లు పెడుతున్నారు. ఇక సినిమా ఎప్పుడెప్పుడు రిలీజౌతుందా అంటూ ఎదురుచూస్తున్నారు.
ఇప్పటికే ఈ సినిమా షెడ్యూల్ను కశ్మీర్లో ప్లాన్ చేసిన మేకర్స్ ఎముకలు కొరికే చలిలోనూ భారీ షెడ్యూల్ని విజయవంతంగా కంప్లీట్ చేశారు.56 రోజుల సుదీర్ఘ షెడ్యూల్ ఇటీవలే పూర్తి చేశారు. ఈ క్రమంలో కశ్మీర్ షెడ్యూల్లో తమ సిబ్బంది శ్రమకు ప్రత్యేక ధన్యవాదాలు తెలుపుతూ ఓ వీడియోను సైతం మేకర్స్ విడుదల చేశారు. ప్రస్తుతం ఆ వీడియో సోషల్ మీడియాలో వైరలవుతోంది. ఇక ఈ షెడ్యుల్తో సినిమాలోని చాలా భాగం షూటింగ్ కంప్లీట్ అయ్యిపోయిందని సమాచారం. అయితే తాజాగా వచ్చిన సమాచారం ప్రకారం ఈ సినిమాకు ఇంకా రెండు నెలలు మాత్రమే షెడ్యూల్ ఉందట. దాన్ని కూడా అనుకున్న సమయంలోనే పూర్తి చేయాలని డైరెక్టర్ ప్లాన్ చేశారట. అలా తమ నెక్స్ట్ షెడ్యూల్ను చెన్నైతో పాటు హైదరాబాద్లో జరపననున్నారట. సినిమాను త్వరలో కంప్లీట్ చేసి అభిమానుల ముందుకు తీసుకుని రావాలని ప్లాన్ చేస్తున్నారట.
మరోవైపు 'లియో' సినిమాలో విజయ్తో పాటు త్రిష, అర్జున్, సంజయ్ దత్త్, ప్రియా ఆనంద్, గౌతమ్ వాసుదేవ్ మీనన్, మైస్కిన్, మన్సూర్ అలీ ఖాన్, మనోబాలా కీలక పాత్రలు పోషిస్తున్నారు. లాంటి స్టార్స్ కీలకపాత్రలు పోషిస్తున్నారు. ప్రముఖ మ్యూజిక్ డైరెక్టర్ అనిరుధ్ రవిచందర్ ఈ సినిమాకు సంగీతం అందిస్తున్నారు. ఇక దళపతి విజయ్ లోకేశ్ కాంబోలో తెరకెక్కుతున్న రెండో సినిమా ఇది. అప్పట్లో వీరిద్దరు 'మాస్టర్' సినిమా కోసం కలిసి పని చేశారు. ఈ ఏడాది అక్టోబర్ 19న ఈ చిత్రం ప్రపంచవ్యాప్తంగా రిలీజ్ కాబోతోంది.
