మెగా డాటర్గా ఇండస్ట్రీకి పరిచయమైన నిహారిక కొణిదెల.. హీరోయిన్గా పెద్దగా సక్సెస్ కాలేకపోయింది. అడపాదడపా సినిమాలు చేసిన ఈమె.. ఆ తరువాత చైతన్య జొన్నలగడ్డను అనే వ్యక్తిని పెళ్లి చేసుకుని లైఫ్లో సెటిల్ అయింది. ఇక వివాహం తర్వాత యాక్టింగ్కు బ్రేక్ ఇచ్చిన నిహారిక.. జీవితాన్ని సరదాగా గడుపుతూ ముందుకెళ్లింది. ఈ క్రమంలోనే నిర్మాతగా మారి చిత్రాలను నిర్మిస్తోంది. అయితే గత కొన్నిరోజులుగా ఆమెపై ఎన్నో రుమార్స్ వస్తున్నాయి. భర్తతో విబేధాలు, విడాకులు తీసుకోబోతుందని అంటూ వార్తల్లో ఎక్కడ చూసిన ఈమె గురించే కనిపిస్తోంది. మరి ఇందులో నిజం ఎంత వరకు ఉందో తెలియదు.
ఏదేమైనప్పటికీ వీటన్నింటినీ నుంచి బయటపడడానికి నిహారిక మళ్లీ కొత్త అవతారంలో యాక్టింగ్లోకి రీ ఎంట్రీ ఇచ్చింది. ఈ సారి సిల్వర్స్క్రీన్పైకి కాకుండా డిజిటల్ ప్లాట్ఫామ్ ఓటిటీలోకి ఎంట్రీ ఇచ్చింది. అయితే ఈ ఓటిటీ ఆమెకు కొత్తేమికాదు. ఇప్పటికే ముద్దపప్పు ఆవకాయ, నాన్న కూచి లాంటి వెబ్ సిరీస్ల్లో నటించింది. తాజాగా 'డెడ్ పిక్సల్స్'తో ఆడియెన్స్ ముందుకు రానుంది.
వైవా హర్ష, అక్షయ్‌ లింగుస్వామి, సాయి రోణక్‌ తదితరులు కీలక పాత్రలు పోషిస్తున్న ఈ సిరీస్కు ఆదిత్య మండల దర్శకత్వం వహిస్తున్నారు. బీబీసీ స్టూడియోస్ ఇండియా అండ్ తమడ మీడియా సంయుక్తంగా ఈ సిరీస్ను నిర్మిస్తోంది. ఇప్పటికే ఈ సిరీస్ నుంచి రిలీజైన పోస్టర్స్ ప్రేక్షకులను బాగానే ఆకట్టుకున్నాయి. ఈ సిరీస్ ప్రముఖ ఓటీటీ 'డిస్నీ+ హాట్‌స్టార్‌'లో ఈ నెల 19నుంచి స్ట్రీమింగ్ కానుంది. ఈ సందర్భంగా టీజర్‌ను రిలీజ్ చేశారు దర్శక, నిర్మాతలు. ఇందులో ముఖ్యంగా యువత.. వీడియో గేమ్‌లకు ఎంతగా ప్రభావితమవుతుందో ఈ సిరీస్‌లో చూపించబోతున్నట్టు ప్రచార చిత్రం చూస్తుంటే అర్థమవుతోంది. ఆనంద్, గాయత్రీ, భార్గవ్, రోషన్ అనే నలుగురు స్నేహితులు కలిసి ఓ ఆన్లైన్లో గేమ్లో పాల్గొని అడుతుంటారు. అయితే ఆ గేమ్ నుంచి వారు బయటికి రాలేరు. ఈ క్రమంలోనే చుట్టూ ఉన్న ప్రపంచాన్ని వదిలి అదే జీవితం అన్నట్లు గడిపేస్తుండటం.. ఈ ప్రచార చిత్రంలో చూపించారు. ఇంతకీ అసలా గేమ్ ఏంటి? ఎందుకు వారు ఆ గేమ్కు అంతలా ఎడిక్ట్ అయ్యారు? ఆ ఆట వల్ల వారి జీవితాల్లో ఎలాంటి పర్యవసానాలు ఎదురయ్యాయి? అనేది ఈ సిరీస్ చూసి తెలుసుకోవాల్సిందే. మరి ఈ రీఎంట్రీతో మెగా డాటర్ కెరీర్లో ఎలా రాణిస్తుందో చూడాలి..
- " class="align-text-top noRightClick twitterSection" data="">
ఇదీ చూడండి: మోక్షజ్ఞ సిల్వర్ స్క్రీన్ ఎంట్రీ ప్లాన్ సూపర్.. ఆ మాస్ దర్శకుడితోనే!
