Jaffer Sadiq Movies : సౌత్ నుంచి నార్త్ వరకు ఎందరో నటీనటులు తమ యాక్టింగ్తో సినీ ఇండస్ట్రీలో చెరగని ముద్ర వేస్తుంటారు. దీని ద్వారా స్టార్డం తెచ్చుకోవడమే కాకుండా బాక్సాఫీస్ వద్ద తమ చిత్రాలతో భారీ స్థాయిలో వసూళ్లను అందుకుంటుంటారు. తాజాగా విడుదలైన 'జైలర్', 'జవాన్' ఎంతటి సంచలనం సృష్టించిందో ప్రత్యేకంగా చెప్పనక్కర్లేదు. భారీ అంచానలతో వచ్చిన ఈ చిత్రాలు రికార్డు కలెక్షన్లను అందుకున్నాయి. అయితే ఈ రెండు సినిమాల్లో కీలక పాత్ర పోషించిన ఓ వ్యక్తి ఒకరున్నారు. 27 ఏళ్ల ఆ వ్యక్తి .. తాను నటించిన చివరి 3 చిత్రాల ద్వారా దాదాపు రూ. 2 వేల కోట్ల కలెక్షన్లను అందుకున్నారు. అతనే కోలీవుడ్ నటుడు జాఫర్ సాదిక్.
Jaffer Sadiq Career : త‌మిళ‌నాడుకు చెందిన ఈ యాక్టర్..1995లో జన్మించారు. 'పావ కాదైగల్' అనే తమిళ సిరీస్ ద్వారా తన కెరీర్ను ప్రారంభించారు. ఆ తర్వాత 2022 లో క‌మ‌ల్ హాస‌న్- లోకేశ్ క‌న‌గ‌రాజ్ కాంబినేషన్లో వచ్చిన 'విక్ర‌మ్' సినిమాతో వెండితెర తెరంగేట్రం చేశారు. భారీ అంచనాలతో వచ్చిన ఈ సినిమా అదే రేంజ్లో సక్సెస్ను అందుకుని బాక్సాఫీస్ వద్ద్ రూ. 414 కోట్ల వసూళ్లను సాధించింది.
Jaffer Sadiq Jailer Movie : ఆ తర్వాత ర‌జ‌నీకాంత్ లీడ్ రోల్లో తెరకెక్కిన 'జైలర్' సినిమాలో హీరోకు స‌పోర్టింగ్ రోల్లో కనిపించారు. ఇది కూడా బాక్సాఫీస్ వద్ద మంచి కలెక్షన్లు అందుకుంది. ఇక ఇటీవలే వచ్చిన 'జవాన్ కూడా మంచి హిట్ టాక్ అందుకుంది. ఇదీ దాదాపు రూ. వెయ్యి కోట్లు సాధించి ఇండ‌స్ట్రీ హిట్గా నిలిచింది. ఇలా వరుస సినిమాల హిట్తో హ్యాట్రిక్ అందుకున్న ఈ నటుడు.. తన యాక్టింగ్తో అందరి దృష్టిలో పడ్డారు. తన అద్భుతమైన న‌ట‌న ప్ర‌తిభతో, వినూత్నమైన క‌థ‌ల ఎంపిక‌తో మంచి జాఫర్ మంచి విజ‌యాలు సాధిస్తున్నారు. చిన్న వ‌య‌సులోనే ఎంతో మందికి సాధ్యం కాని రికార్డుల‌ను ఈ యంగ్ స్టార్ తన పేరు మీద లిఖించుకుంటున్నారు. ఇత‌ర యువ నటుల‌కు ఆద‌ర్శంగా నిలుస్తున్నారు.
Jawan Box Office Collection Worldwide : జవాన్ కలెక్షన్ల సునామీ.. రూ. 1000 కోట్ల క్లబ్లోకి ఎంట్రీ
