CAR ACCIDENT: గుంటూరు జిల్లా తెనాలిలో కారు బీభత్సం సృష్టించింది. దుగ్గిరాల నుంచి తెనాలికి వస్తున్న ఇద్దరు మైనర్లు అతివేగంగా కారు నడపడంతో పట్టణంలోని టెలిఫోన్ ఎక్స్చేంజ్ రోడ్డు వద్ద అదుపుతప్పి పక్కన రిక్షాలు మరమ్మత్తు చేస్తున్న ముగ్గురు వ్యక్తులపై దూసుకెళ్లింది. ఈ ప్రమాదంలో ఒక వ్యక్తి కాలు నుజ్జు నుజ్జు కాగా, మరో ఇద్దరు వ్యక్తులకు తీవ్ర గాయాలయ్యాయి. ఘటనా స్థలానికి చేరుకున్న ఒకటో పట్టణ పోలీసులు.. క్షతగాత్రులను తెనాలి ప్రభుత్వ వైద్యశాలకు తరలించారు. ఈ ఘటనపై కేసు నమోదు చేసిన పోలీసులు.. ఇద్దరు మైనర్లను అదుపులోకి తీసుకున్నారు.
తెనాలిలో కారు బీభత్సం.. ముగ్గురికి తీవ్రగాయాలు
ఇవీ చదవండి:
