స్వచ్ఛ సర్వేక్షణ్లో(Vijayawada Swachh Survekshan Rank) విజయవాడ నగరపాలక సంస్థ మూడో ర్యాంకు సాధించింది. దేశవ్యాప్తంగా సుమారు 4,500 నగరాల్లో కేంద్ర ప్రభుత్వం స్వచ్ఛ సర్వేక్షణ్ సర్వే నిర్వహించింది. ఇందులో విజయవాడ నగరపాలక సంస్థకు మూడో స్థానం దక్కింది.
ఈ అవార్డును దిల్లీలో రాష్ట్రపతి రామ్నాథ్ కోవింద్ చేతుల మీదుగా.. నగరపాలక సంస్థ కమిషనర్ ప్రసన్న వెంకటేశ్, మేయర్ రాయన భాగ్యలక్ష్మి అందుకున్నారు. నగరపాలక సంస్థ అందిస్తున్న సేవల్లో మూడు విభాగాలను పరిశీలించి.. ఈ ర్యాంకును అందజేసినట్లు అధికారులు తెలిపారు. 2021 ఏడాదికి స్వచ్ఛ సర్వేక్షణ్లో మూడో ర్యాంకు రావటం సంతోషకరమని నగరపాలక సంస్థ అధికారులు ఆనందం వ్యక్తం చేశారు.
ఇదీ చదవండి: విజయవాడలో స్వచ్ఛ సర్వేక్షన్ పోటీలు
