జన ఆశీర్వాద యాత్రలో భాగంగా తెలంగాణలోని వరంగల్... హనుమకొండ జిల్లాల్లో కేంద్ర పర్యాటక, సాంస్కృతిక శాఖ మంత్రి కిషన్రెడ్డి పర్యటించారు. ఈ సందర్భంగా కాషాయ శ్రేణులు ఆయనకు ఘన స్వాగతం పలికాయి. కిషన్రెడ్డి రాకను పురస్కరించుకొని పార్టీ కార్యకర్తలు బాణసంచా కాల్చి సందడి చేశారు. నాయుడు పెట్రోల్ పంప్ నుంచి రంగశాయిపేట, పోస్ట్ ఆఫీస్ మీదుగా నగరంలోని పలు కూడళ్ల గుండా జన ఆశీర్వాద యాత్ర సాగింది.
వరంగల్లోని సీకేఎం ఆసుపత్రిని కేంద్ర మంత్రి సందర్శించి టీకాల పంపిణీపై వివరాలను వైద్యులను అడిగి తెలుసుకున్నారు. ఓరుగల్లు ఇలవేల్పు భద్రకాళీ అమ్మవారిని దర్శించుకొని ప్రత్యేక పూజలు చేశారు. అనంతరం హన్మకొండలోని వేయిస్తంభాల ఆలయాన్ని సందర్శించి రుద్రేశ్వరునికి పూజలు చేశారు.
ఇదీ చదవండి: PETROL ATTACK: యువతిపై పెట్రోల్ పోసి నిప్పంటించిన యువకుడు..పోలీసుల అదుపులో దుండగుడు
