తెలంగాణలోని రంగారెడ్డి జిల్లా శంషాబాద్ మండలం తొండుపల్లిలో భార్యాభర్తలు విక్రమ్, స్పందన నివసిస్తున్నారు. పెళ్లైన ఆరు సంవత్సరాలకు ఓ బాబు పుట్టాడు. విక్రమ్ హెయిర్ కటింగ్ షాప్లో పనిచేసేవాడు. మద్యానికి బానిసైన విక్రమ్.. రోజు ఇంటికి వచ్చి గొడవపడేవాడు. మంగళవారం కూడా ఇంట్లో గొడవపడి కోపంతో ఆరునెలల పసికందును నీటిసంపులో పడేశాడు. ఆ చిన్నారి అక్కడిక్కడే మృతి చెందాడు. కేసు నమోదు చేసుకున్న పోలీసులు దర్యాప్తు చేపట్టారు. పసికందు మృతదేహాన్ని ఉస్మానియా ఆసుపత్రికి తరలించారు.
ఇదీ చదవండీ.. రాష్ట్రంలో కరోనా ఉద్ధృతి.. ఆ జిల్లాల్లోనే అత్యధిక కేసులు
