వాణిజ్య పన్నుల ఎన్జీవో సంఘం పేరును మార్చడాన్ని సవాలు చేస్తూ హైకోర్టులో వ్యాజ్యం

వాణిజ్య పన్నుల ఎన్జీవో సంఘం పేరును మార్చడాన్ని సవాలు చేస్తూ హైకోర్టులో వ్యాజ్యం దాఖలైంది. సర్వసభ్య సమావేశం నిర్వహించకుండా , ప్రభుత్వ ఆమోదం లేకుండా నిబంధనలకు విరుద్ధంగా పేరును మార్చారని పిటిషనర్ తెలిపారు. ఆ వాదనలను పరిగణనలోకి తీసుకున్న న్యాయమూర్తి .. సంబంధిత అధికారులకు నోటీసులు జారీ చేశారు.

ఏపీ వాణిజ్య పన్నుల ఎన్జీవో అసోసియేషన్ పేరును మార్చడాన్ని సవాలు చేస్తూ హైకోర్టులో వ్యాజ్యం దాఖలైంది. ఏపీ వాణిజ్య పన్నుల ఎన్జీవో సంఘం మాజీ అధ్యక్షుడు సీహెచ్ పురుషోత్తంనాయుడు ఈ వ్యాజ్యాన్ని దాఖలు చేశారు. హైకోర్టు న్యాయమూర్తి జస్టిస్ కె.శ్రీనివాసరెడ్డి ఈ వ్యాజ్యంపై విచారణ జరిపారు.

సర్వసభ్య సమావేశం నిర్వహించకుండా , ప్రభుత్వ ఆమోదం లేకుండా నిబంధనలకు విరుద్ధంగా వాణిజ్య పన్నుల ఎన్జీవో సంఘం పేరును ' ఏపీ కమర్షియల్ ట్యాక్సెస్ సర్వీసెస్ అసోసియేషన్'గా మార్చారని పిటిషనర్ తరఫు న్యాయవాది సువ్వారి శ్రీనివాసరావు వాదనలు వినిపించారు. అసోసియేషన్ అనధికారికంగా నిర్వహిస్తున్న కార్యక్రమాలను గుర్తించేలా ప్రభుత్వాన్ని ఆదేశించాలని కోరారు. ఆ వాదనలను పరిగణనలోకి తీసుకున్న న్యాయమూర్తి .. సాధారణ పరిపాలన శాఖ , సహకార సంఘాల శాఖ ముఖ్యకార్యదర్శులు , ఎన్టీఆర్ జిల్లా రిజిస్ట్రార్ , సర్వీసెస్ అసోసియేషన్ అధ్యక్షుడికి నోటీసులు జారీచేశారు. తదుపరి విచారణను జూన్ 20 కి వాయిదా వేశారు

ఇదీ చదవండి: నెల్లూరులో తారాస్థాయికి అధికార పార్టీ 'ఫ్లెక్సీ' పాలిటిక్స్ !