హైదరాబాద్ జూబ్లీహిల్స్‌లోని వన్‌డ్రైవ్‌ ఫుడ్ కోర్టులో దారుణం చోటు చేసుకుంది. మహిళల బాత్రూమ్(Camera in bathroom)లో సెల్‌ఫోన్‌తో రహస్య చిత్రీకరణ జరపడం కలకలం రేపింది. ఫుడ్కోర్టుకు తన స్నేహితులతో కలిసి వెళ్లిన ఓ యువతి రెస్ట్రూమ్కు వెళ్లింది. అక్కడి బాత్రూమ్లో కెమెరా ఆన్చేసిన సెల్‌ఫోన్‌ను గుర్తించిన యువతి పోలీసులకు ఫిర్యాదు చేయడంతో ఈ వ్యవహారం వెలుగులోకి వచ్చింది.
రంగంలోకి దిగిన పోలీసులు పూర్తి స్థాయిలో దర్యాప్తు చేపట్టారు. నిన్నంతా ఫోన్ కెమెరా ఆన్‌లోనే ఉన్నట్టు పోలీసులు గుర్తించారు. బాత్రూమ్ క్లీనర్‌ బెనర్జీ ఫోన్ కెమెరా అమర్చినట్టు దర్యాప్తులో తేలింది. బెనర్జీని అదుపులోకి తీసుకుని విచారిస్తున్నారు.
