ఒడిశాలోని భువనేశ్వర్లో రోడ్డు ప్రమాదం.. ఆంధ్రప్రదేశ్ కు చెందిన ఓ లారీ డ్రైవర్ ను బలి తీసుకుంది. అక్కడి అధికారులు తెలిపిన సమాచారం ప్రకారం... సరుకుల లోడుతో వెళ్తున్న ఓ లారీ... భారీ ఇనుప కడ్డీల లోడుతో ఉన్న మరో లారీని ఢీకొట్టింది. భువనేశ్వర్లోని సీఆర్‌పీ స్క్వేర్ సమీపంలో ఫ్లైఓవర్‌పై ఈ ఘటన జరిగింది. ప్రమాదానికి కారణమైన వాహనంలోకి ఇనుప కడ్డీలు చొచ్చుకుపోయాయి.
లారీ క్యాబిన్ నుజ్జునుజ్జు అయ్యింది. అందులో చిక్కుకున్న డ్రైవర్ను... 2 గంటల పాటు కష్టపడి రెస్క్యూ టీం బయటకు తీసింది. తీవ్ర గాయాలపాలైన డ్రైవర్ ను పట్టణంలోని ఓ ఆసుపత్రికి తరలించారు. అప్పటికే మృతి చెందినట్లు వైద్యులు గుర్తించారు. మృతుడు ఆంధ్రప్రదేశ్కు చెందిన ఫరూక్గా అక్కడి అధికారులు గుర్తించారు. అతనికి సంబంధించిన పూర్తి వివరాలు తెలియాల్సి ఉంది.
