Amaravati Controversies Facts Book : మహానగరాలు లేకుండా ఏ రాష్ట్రంలో అభివృద్ది జరగదని రచయిత కందుల రమేష్ అన్నారు. విజయవాడలో ఆయన రచించిన 'అమరావతి వివాదాలు-వాస్తవాలు' పుస్తకావిష్కరణ కార్యక్రమం జరిగింది. ఈ కార్యక్రమంలో తెలుగుదేశం అధినేత చంద్రబాబు, భాజపా నేత కన్నా లక్ష్మీనారాయణ, సీపీఐ రాష్ట్ర కార్యదర్శి రామకృష్ణ, పీసీసీ ఉపాధ్యక్షుడు తులసిరెడ్డి, జనసేన నేత బోనబోయిన శ్రీనివాస్ యాదవ్, అమరావతి రైతులు పెద్ద ఎత్తున పాల్గొన్నారు.
1953లోనూ విజయవాడ -గుంటూరు మధ్య రాజధాని రాకుండా ఎన్నో ప్రయత్నాలు జరిగాయని రమేష్ తెలిపారు. ఆంధ్ర రాష్ట్ర ఏర్పాటు సమయంలోనూ ఇదే తరహా రాజకీయాలు ఉన్నాయని గుర్తు చేశారు. కె. మాథ్యూస్ మొదటి ఛాయిస్గా గుంటూరు రాజధానిగా ప్రతిపాదించారని.. 1953లో కమ్యూనిస్టులు గుంటూరు-విజయవాడ మధ్యలో రాజధానికి పట్టుబట్టారని వివరించారు. ఆ రోజు కూడా ఇక్కడ రాజధాని రాకుండా చేయడానికి విశాఖను తెరమీదకు తెచ్చారని తెలిపారు. పెద్ద నగరంగా అమరావతి నిర్మాణం అవసరమన్నారు. శివరామ కృష్ణ కమిటీ చారిత్రక స్పృహ లేకుండా సిఫార్సులు చేసిందని విమర్శించారు.
ఇవీ చదవండి:
