Electric Scooters Discounts October 2023 : పండగల వేళ చాలా మంది కొత్త వాహనాలు కొనుగోలు చేసేందుకు ఆసక్తి చూపుతుంటారు. కంపెనీలు కూడా అదే స్థాయిలో తమ ఉత్పత్తులపై డిస్కౌంట్లు అందించి.. పండగల సమయంలోనే తమ అమ్మకాలను పెంచుకునేందుకు ప్రయత్నిస్తాయి. ఓలా, ఏథర్ ఎనర్జీ, ఐవోమీ లాంటి ప్రముఖ ఎలక్ట్రిక్ టూవీలర్ వెహికల్ కంపెనీలు కూడా.. ఈ పండగ సీజన్లో తమ ఉత్పత్తులపై భారీ డిస్కౌంట్లు ప్రకటించాయి. వాటి గురించి ఇప్పుడు తెలుసుకుందాం.
ఓలా ఎలక్ట్రిక్ స్కూటీ..
Ola Electric Scooter Festival Offers 2023 : తమ అన్ని స్కూటీ మోడళ్లపై రూ.24,500 వరకు తగ్గింపులు అందిస్తోంది ఓలా కంపెనీ. ప్రస్తుతం ఓలాలో S1X, S1 Air, S1 Pro లాంటి మోడళ్లు అందుబాటులో ఉన్నాయి. ఎక్స్ఛేంజ్ ఆఫర్ కింద మరో రూ.10వేల వరకు డిస్కౌంట్ అందిస్తోంది ఓలా. కొన్ని క్రెడిట్ కార్డ్లపై ఇచ్చే ఈఎమ్ఐ సదుపాయం కూడా కల్పిస్తోంది. దాంతో పాటు క్యాష్బ్యాక్లు, ఇతర ఆఫర్లను సైతం ఇస్తోంది ఓలా కంపెనీ.
ఏథర్ ఎనర్జీ..
Ather Energy Scooter Festival Offers 2023 : ఏథర్ ఎనర్జీ కంపెనీ కూడా తమ ఉత్పత్తులపై భారీగానే ఆఫర్లు ప్రకటించింది. ఈ కంపెనీ ప్రస్తుతం 450S, 450X 2.9kWh, 450X 3.7kWh స్కూటీలపై మంచి ఆఫర్స్ అందిస్తోంది. 450S స్కూటీపై పండగ ఆఫర్ కింద రూ.5వేల వరకు తగ్గింపును అందిస్తోంది ఏథర్ ఎనర్జీ. దాంతోపాటు కార్పొరేట్ ఆఫర్ కింద రూ.1500 వరకు డిస్కౌంట్ను ఇస్తోంది. ఎక్స్ఛేంజ్ బోనస్ కింద రూ.40వేల వరకు తగ్గింపు లభిస్తోంది. మొత్తంగా 450S మోడల్ స్కూటీ రూ.86,050కు (ఎక్స్-షోరూం ధర) అందుబాటులో ఉంది.
450X 2.9 kWh స్కూటీ మోడల్పై రూ.1,500 కార్పొరేట్ డిస్కౌంట్ను అందిస్తోంది కంపెనీ. అదే విధంగా రూ.40వేల వరకు ఎక్స్ఛేంజ్ ఆఫర్ను ఇస్తోంది. మొత్తంగా ఈ స్కూటీ ధర రూ.1,01,249 (ఎక్స్ షోరూం)గా ఉంది. 450X 3.7 kWh, 450X 2.9 kWh మోడల్ స్కూటీలు కూడా దాదాపు ఇవే ధరల్లో అందుబాటులో ఉన్నాయి.
ఐవోమి..
iVOOMi Scooter Festival Offers 2023 : ఐవోమ్ ఎనర్జీ కంపెనీ కూడా JeetX, Jeet S1 మోడల్ స్కూటీలపై భారీగానే డిస్కౌంట్లను అందిస్తోంది. ప్రస్తుతం JeetX ధర రూ.99,999లుగాను, Jeet S1 స్కూట ధర రూ.84,999గా ఉంది. కానీ పండుగ వేళ JeetX స్కూటీ రూ. 91,999కే లభిస్తోంది. అదేవిధంగా Jeet S1 రూ.81,999కే అందుబాటులో ఉంది. అంతేకాకుండా బైక్ యాక్సెసరీస్పై రూ.10వేల వరకు డిస్కౌంట్ ఇస్తోంది ఐవోమి. దాంతోపాటు ఆర్టీఓ ఛార్జెస్ను కూడా ఐవోమీ కవర్ చేస్తుంది.
Ola Bharat EV Fest Offers : ఓలా ఫెస్టివ్ ఆఫర్స్.. ఆ ఈవీ స్కూటర్పై ఏకంగా 50% డిస్కౌంట్!
