జమ్ముకశ్మీర్ మార్వాలో ఘోర ప్రమాదం జరిగింది. ఓ ప్రైవేటు కారు అదుపుతప్పి వాగులో పడిపోయింది. ఈ ఘటనలో ఎనిమిది మంది ప్రాణాలు కోల్పోయారు. పోలీసులు తెలిపిన వివరాల ప్రకారం కిష్త్వార్ జిల్లాలో.. బుధవారం సాయత్రం మార్వాలోని రాచల్ ప్రాంత సమీపంలో ఓ కారు వాగులో పడిపోయింది. అందులో ఉన్న నలుగురు మహిళలతో సహా ఎనిమిది మంది అక్కడికక్కడే చనిపోయారు.
సమాచారం అందుకున్న ఆర్మీ, పోలీసులు ఘటనా స్థలానికి చేరుకుని సహాయక చర్యలు చేపట్టారు. మృతులను కారు డ్రైవర్ ఉమర్ గని షా.. మహ్మద్ అమీన్, మహ్మద్ ఇర్ఫాన్, అఫాక్ అహ్మద్, ఆసియా బానో, ముజామిలా బానో, సఫూరా బానో, మొహసినా బానోలుగా గుర్తించారు. ఈ ఘటనపై జమ్ము కాశ్మీర్ లెప్టినెంట్ గవర్నర్ మనోజ్ సిన్హా, కేంద్ర జితేంద్ర సింగ్లు స్పందించి మృతులకు సంతాపం తెలిపారు.
