పారాగ్లైడింగ్ చేస్తూ తెలంగాణ యువతి మృతి - హిమాచల్ ప్రదేశ్​లో దుర్ఘటన

By ETV Bharat Telangana Desk

Published : Feb 12, 2024, 10:30 PM IST

thumbnail

Telangana Woman Dies in Kullu Paragliding Accident : సంగారెడ్డి జిల్లా జహీరాబాద్​కు చెందిన యువతి విహారయాత్రకు వెళ్లి పారాగ్లైడింగ్ చేస్తూ  ప్రమాదవశాత్తు మృతి చెందిన ఘటన, హిమాచల్ ప్రదేశ్​లోని కులూలో ఆదివారం మధ్యాహ్నం చోటుచేసుకుంది. పట్టణంలోని శిల్ప బృందావనం కాలనీకి చెందిన సాయి మోహన్, పేరురి నవ్య (27) దంపతులు చండీగఢ్​లోని సాఫ్ట్​వేర్ కంపెనీలో  పనిచేస్తున్నారు. ఆ కంపెనీ విహారయాత్ర ప్యాకేజీ ఇవ్వడంతో శనివారం ఇద్దరు దంపతులు హిమాచల్ ప్రదేశ్​లోని కులూమనాలీకి విహారయాత్రకు వెళ్లారు. ఆదివారం మధ్యాహ్నం పారాగ్లైడింగ్ చేస్తుండగా ప్రమాదవశాత్తు హుక్ ఊడిపోయి నవ్య ఆకాశం నుంచి ఓ భవనంపై పడిపోయి అక్కడికక్కడే మృతి చెందారు.

ఆమెతో కలిసి పారాగ్లైడింగ్ చేసిన పైలట్ ప్రాణాలతో బయటపడ్డాడు. ఈ ప్రమాదం మానవ తప్పిదంగా జరిగిందని హిమాచల్ పర్యాటకశాఖ అధికారులు నిర్ధారించారు. విహార యాత్రకు వెళ్లిన కోడలు మృతి చెందడం పట్ల జహీరాబాద్​లో నివాసముండే సాయి మోహన్ తండ్రి తిరుమల రావు విషాదంలో మునిగిపోయారు. కోదాడకు చెందిన తిరుమల రావు కుటుంబం గత కొన్నేళ్లుగా జహీరాబాద్​లో స్థిర నివాసం ఉంటున్నారు. ప్రత్యేక విమానంలో నవ్య మృతదేహాన్ని ఇవాళ రాత్రి 8 గంటలకు శంషాబాద్ విమానాశ్రయానికి తీసుకొచ్చి అక్కడ నుంచి స్వస్థలానికి తీసుకురానున్నట్లు కుటుంబ సభ్యులు తెలిపారు.  

ABOUT THE AUTHOR

...view details

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.