ఫోన్​ ట్యాపింగ్ వ్యవహారంపై మాజీ పోలీస్​ అధికారిగా ఎలాంటి కామెంట్ చేయను : ఆర్​ఎస్​ ప్రవీణ్​ కుమార్​ - RS Praveen on Phone Tapping Case

BRS RS Praveen Kumar On Phone Tapping Case : ఫోన్​ ట్యాపింగ్​ విషయంపై తాను ఎలాంటి కామెంట్​ చేయనని బీఆర్ఎస్ నేత ఆర్​ఎస్ ప్రవీణ్​ కుమార్​ అన్నారు. దేశ భద్రతకు సంబంధించిన ఈ వ్యవహారంలో బాధ్యతాయుతమైన మాజీ పోలీస్​ అధికారిగా ఏం మాట్లాడాలని అనుకోవడం లేదని స్పష్టం చేశారు. స్వార్థ రాజకీయ ప్రయోజనాల కోసం తనపై తప్పుడు ప్రచారాలు చేస్తున్నారని మండిపడ్డారు. ఎవరైన రాజకీయ ప్రయోజనాల కోసం ఫోన్​ ట్యాపింగ్​ చేసి ఉంటే వారు తప్పకుండా శిక్షార్హులే అన్నారు. 

RS Praveen Kumar BRS Sridhar Murder : మరోవైపు బీఆర్ఎస్ నేత శ్రీధర్​ రెడ్డి హత్యపై సమగ్ర విచారణ జరిపించాలని ఆర్​ఎస్​ ప్రవీణ్​ డిమాండ్ చేశారు. వారం రోజుల్లో ఈ కేసుపై న్యాయం జరగపోతే రాష్ట్రవ్యాప్తంగా ఆందోళనలు చేస్తామని హెచ్చరించారు. మృతుడు శ్రీధర్​ రెడ్డి తల్లిదండ్రులతో కలిసి ఆయన డీజీపీ రవిగుప్తాకు వినతి పత్రం అందజేశారు. ముఖ్యమంత్రి వద్దనే హోంశాఖ ఉన్నందున సమగ్ర దర్యాప్తు చేపట్టి నిందితులను శిక్షించాలన్నారు. ​