90ml బాటిల్ తెస్తేనే నీళ్లలోంచి బయటకొస్తా - హుస్సేన్​సాగర్​లో దిగి యువకుడి హల్​చల్

Drunk Guy Hulchul At Tank Bund : రోజురోజుకు హైదరాబాద్​లోని మందు బాబుల ఆగడాలు మితిమీరి పోతున్నాయి. ఓ యువకుడు ఎంత తాగాడో తెలియదు కానీ హుస్సేన్​సాగర్​లో దిగి నానా రచ్చ చేశాడు. గత నెల క్రితం జరిగిన ఘటనకు సంబంధించిన వీడియో ఇప్పుడు సామాజిక మాధ్యమాల్లో వైరల్​గా మారింది. నెల రోజుల క్రితం మద్యం మత్తులో ఒక యువకుడు హుస్సేన్​ సాగర్​లో దిగి ప్రజలను భయబ్రాంతులకు గురి చేశాడు. 

Tank Bund Drunkard hulchul Viral Video : గమనించిన స్థానికులు పోలీసులకు సమాచారం ఇచ్చారు. వెంటనే సంఘటన స్థలానికి చేరుకున్న పోలీసులు హుస్సేన్​సాగర్​లో దిగిన యువకుడిని బయటకు రప్పించేందుకు నానా తంటాలు పడ్డారు. నీటిలోకి తాడును అందించి యువకుణ్ని బయటికి రావాలని పోలీసులు కోరడంతో అతడు నిరాకరించాడు. 90 ఎంఎల్ మద్యం బాటిల్ తీసుకువచ్చి ఇస్తే బయటకు వస్తానని తేల్చి చెప్పాడు. అతికష్టం మీద ఆ తాగుబోతును అదుపులోకి తీసుకున్నారు. అక్కడున్న కొంత మంది ఈ దృశ్యాలను వీడియో తీసి ఇన్​స్టాగ్రామ్​లో పోస్ట్ చేశారు. అది కాస్త ఇప్పుడు వైరల్ అవుతోంది.