వాట్సాప్​ 'సెర్చ్​ బై డేట్' ఫీచర్​ - ఎలా వాడాలంటే?

author img

By ETV Bharat Telugu Team

Published : Mar 1, 2024, 12:49 PM IST

WhatsApp latest features 2024

WhatsApp Search By Date Feature : వాట్సాప్ యూజర్లకు గుడ్ న్యూస్​. వాట్సాప్ త్వరలో 'సెర్చ్​ బై డేట్' ఫీచర్​ను తీసుకువచ్చింది. దీనిని యూజర్లు అందరికీ క్రమంగా రోల్​అవుట్ చేస్తోంది. దీనితో మీకు కావాల్సిన తేదీలోకి మెసేజ్​లను, మీడియా ఫైల్స్​ను సులువుగా యాక్సెస్ చేయడానికి వీలవుతుంది. పూర్తి వివరాలు ఇప్పుడు చూద్దాం.​

WhatsApp Search By Date Feature : ప్రముఖ మెసేజింగ్ యాప్​ వాట్సాప్​ తమ యూజర్ల కోసం ఎప్పటికప్పుడు సరికొత్త ఫీచర్లను తెస్తూ ఉంటుంది. అందులో భాగంగా 'సెర్చ్ బై డేట్'​ అనే సరికొత్త ఫీచర్​ను క్రమంగా రోల్​అవుట్​ చేస్తోంది.

ఈ 'సెర్చ్​ బై డేట్' ఫీచర్​ ద్వారా మీకు కావాల్సిన నిర్దిష్ట తేదీలోని మెసేజ్​లను, మీడియా ఫైల్స్​ను సులువుగా చూడవచ్చు. ఈ ఫీచర్ ఆండ్రాయిడ్ డివైజ్​లతోపాటు ఐఓఎస్​, మ్యాక్​, వాట్సాప్​ వెబ్​ల్లోనూ పనిచేస్తుంది.

లిమిటేషన్​
ఈ సెర్చ్ బై డేట్ ఫీచర్ ఉపయోగిస్తే, మీరు కోరుకున్న తేదీలోని చాట్​లు అన్నీ కనిపిస్తాయి. అలాకాకుండా, ప్రత్యేకంగా మీకు కావాల్సిన చాట్​ను​ మాత్రమే సెర్చ్​ చేద్దామంటే కుదరదు.

సెర్చ్ బై డేట్ ఫీచర్​ను ఎలా వాడాలి?

  • ముందుగా మీరు వాట్సాప్​ను ఓపెన్ చేయాలి.
  • మీ పర్సనల్​ లేదా గ్రూప్​ చాట్​ను ఓపెన్ చేయాలి.
  • ప్రొఫైల్ సెక్షన్​లోకి వెళ్లి సెర్చ్ ఆప్షన్​పై క్లిక్ చేయాలి.
  • అక్కడ మీకు క్యాలెండర్ ఐకాన్ కనిపిస్తుంది. దానిపై ట్యాప్ చేయాలి.
  • క్యాలెండర్​లో మీకు కావాల్సిన తేదీని ఎంచుకోవాలి.
  • వెంటనే సదరు తేదీలో మీరు చేసిన చాట్స్​, మీడియా ఫైల్స్ అన్నీ కనిపిస్తాయి.

వాట్సాప్​ టెక్ట్స్ ఫార్మాటింగ్ ఫీచర్​
వాట్సాప్ తమ యూజర్ల కోసం ఇటీవలే టెక్ట్స్ ఫార్మాటింగ్ ఫీచర్​ను తీసుకువచ్చింది. దీనిని ఉపయోగించి మీరు టెక్ట్స్​ను అందంగా మార్చుకోవచ్చు.

  • ఒక వేళ మీరు పంపించాలనుకున్న టెక్ట్స్‌లో ఏదైనా ముఖ్యమైన సమాచారాన్ని బుల్లెట్స్‌ రూపంలో అందించాలనుకుంటే ఆ వాక్యం ముందు '-' టైప్‌ చేయాలి.
  • కంప్యూటర్​లో Shift + Enter ను టైప్‌ చేస్తే తర్వాత వాక్యానికి కూడా బుల్లెట్‌ పాయింట్ వచ్చేస్తుంది.
  • ఒక వేళ మీకు నంబర్డ్‌ లిస్ట్‌ కావాలనుకుంటే టెక్ట్స్‌ ముందు '1, 2, 3' ఇలా అంకెలను టైప్‌ చేయాలి. ఇది కూడా బుల్లెట్‌ పాయింట్స్​ మాదిరిగానే పని చేస్తుంది.
  • సుదీర్ఘమైన టెక్ట్స్‌లో ఇంపార్టెంట్ పాయింట్లను హైలైట్‌ చేసేందుకు ఆ వాక్యాల ముందు '>' ని టైప్‌ చేయాలి. ఇదే బ్లాక్‌ కోట్‌.
  • బ్యాక్‌గ్రౌండ్‌తో సహా వాక్యాన్ని హైలైట్‌ చేసేందుకు ఇన్‌లైన్‌ కోడ్‌ చిహ్నాల ``మధ్యన పదాలు ఉంచాలి.

వాట్సప్‌ యూజర్ల కోసం తీసుకొచ్చిన ఈ ఆప్షన్లను ఆండ్రాయిడ్‌, ఐఫోన్, వెబ్‌తో పాటు మ్యాక్‌ డెస్క్‌టాప్​లో కూడా వినియోగించుకోవచ్చు. పర్సనల్, గ్రూప్‌ చాట్‌లకే కాకుండా ఛానల్‌ అడ్మిన్‌లు సైతం ఈ ఆప్షన్లను ఉపయోగించుకోవచ్చు.

వాట్సాప్ హెల్ప్​లైన్
నేడు డీప్‌ఫేక్‌ ఫొటోల, వీడియోల బెడద, తప్పుడు సమాచారాల విస్తృతి విపరీతంగా పెరుగుతోంది. దీనిని అరికట్టేందుకు ప్రముఖ టెక్నాలజీ సంస్థ మెటా ఒక కీలక నిర్ణయం తీసుకుంది. కృత్రిమ మేధ, డీప్​ఫేక్ టెక్నాలజీలతో రూపొందిస్తున్న తప్పుడు సమాచారాన్ని అరికట్టేందుకు, వాట్సప్‌లో ప్రత్యేకంగా ఒక హెల్ప్‌లైన్‌ను ప్రారంభించనున్నట్లు ప్రకటించింది.

ఈ ఫ్యాక్ట్ చెక్ హెల్ప్​లైన్​ ద్వారా డీప్​ఫేక్​ చిత్రాలను, వీడియోలను సులభంగా గుర్తించడానికి వీలవుతుందని మెటా సంస్థ పేర్కొంది. ఇందుకోసం 'మిస్‌ఇన్ఫర్మేషన్‌ కంబాట్‌ అలయన్స్‌' (MCA)తో టై-అప్​ అయినట్లు వెల్లడించింది. 2024 మార్చిలో ఈ హెల్ప్​లైన్​ వాట్సాప్​ యూజర్లు అందరికీ అందుబాటులోకి వస్తుందని స్పష్టం చేసింది.

గూగుల్​లో బెస్ట్ రిజల్ట్స్​ రావాలా? ఈ టాప్-10 సెర్చ్ ట్రిక్స్​ మీ కోసమే!

మీరు ఐఫోన్ యూజర్లా? డైలీ ఉపయోగపడే 8 ప్రో టిప్స్ మీ కోసం!

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.