కళ్లకు కడుతున్న రెడ్డిరాజుల ఘన చరిత్ర, కొండవీడు వైభవం - ఎక్కడంటే?

Heritage Museum on Reddy Kings : తెలుగు గడ్డపై ప్రజారంజక పాలన అందించిన రెడ్డిరాజుల ఘన చరిత్రను భావి తరాలకు అందించేందుకు అఖిల భారత రెడ్ల సంక్షేమ సమాఖ్య - శ్రీశైలం వారు ప్రత్యేక మ్యూజియంను నిర్మించారు. రెడ్డిరాజుల ఘన చరిత్ర, చారిత్రక విశిష్టత, కొండవీడు గత వైభవాన్ని ముందు తరాలని అందించాలనే సంకల్పంతో పల్నాడు జిల్లా కొండవీడు సమీపంలో ఉన్న ఫిరంగిపురం మండలం హౌస్‌గణేష్‌ గ్రామంలో రెడ్డి రాజుల వారసత్వ ప్రదర్శనశాల (మ్యూజియం) నిర్మించారు.

కొండవీడుకోట నమూనా, చుట్టూ చరిత్రను తెలిపే చిత్రాలు (ETV Bharat)

రెడ్డిరాజులు ఏలిన కొండవీడు, గద్వాల్‌ సంస్థానం, ఉదయగిరి, ఆత్మకూరు, వనపర్తి, దూమకొండ తదితర ప్రదేశాలకు సంబంధించిన చారిత్రక ఆనవాళ్లు, సమాచారాన్ని నిపుణుల కమిటీ సభ్యులు సేకరించి ఇక్కడ ఆకర్షణీయమైన రీతిలో అందుబాటులో ఉంచారు. 24 అడుగుల వెడల్పు, 36 అడుగుల పొడవుతో ఉన్న కొండవీడు కోట నమూనా ప్రత్యేక ఆకర్షణ నిలుస్తుంది. ఆ కాలం నాటి శిలా, తామ్ర శాసనాల నమూనాలు, శిల్పాలు, నాణేలు, ఆయుధాలు తదితర వస్తువులు నాటి వైభవాన్ని కళ్లకు కడుతున్నాయి.

భవన ఆవరణలో ఉంచిన అలనాటి శిల్ప కళ (ETV Bharat)

ఇంట్లోనే మ్యూజియం- బ్రిటిష్ కాలంనాటి వస్తువుల సేకరణ! రిటైర్డ్​ ప్రొఫెసర్ ఆసక్తి

సాగర తీరంలో కొలువైన హెలికాప్టర్‌ మ్యూజియం - ఇది యుద్ధ కథలెన్నో చెబుతుంది!