ETV Bharat / state

నాంపల్లి మల్టీలెవల్​ కారు పార్కింగ్​ను కాంగ్రెస్​ పూర్తి చేయడం సంతోషకరం : కేటీఆర్ - KTR Tweet Multi Level Car Parking

author img

By ETV Bharat Telangana Team

Published : May 19, 2024, 12:29 PM IST

KTR Latest Tweet on Multi Level Car Parking in Nampally : నాంపల్లిలో నిర్మిస్తున్న మల్టీ లెవల్​ కారు పార్కింగ్​ కాంప్లెక్స్​ను కాంగ్రెస్​ ప్రభుత్వం పూర్తి చేయడంపై బీఆర్​ఎస్​ కార్యనిర్వాహక అధ్యక్షుడు కేటీఆర్ హర్షం వ్యక్తం చేశారు. కొన్ని కారణాల వల్ల తమ ప్రభుత్వం పూర్తి చేయలేకపోయిందని తెలిపారు. ఈ సందర్భంగా ఆయన అధికార ఎక్స్​ ఖాతాలో ట్వీట్​ చేస్తూ, ఫొటోలు షేర్​ చేశారు.

Multi Level Car Parking in Nampally
BRS Leader KTR Latest Tweet (ETV Bharat)

KTR Latest Tweet on Multi Level Car Parking in Nampally : హైదరాబాద్​లో త్వరలో ప్రారంభం కానున్న మల్టీ లెవల్​ పార్కింగ్​ నిర్మాణం పూర్తి చేసినందుకు సంతోషంగా ఉందని బీఆర్ఎస్​ కార్యనిర్వాహక అధ్యక్షుడు కేటీఆర్ తన ఎక్స్​ అధికార ఖాతాలో ట్వీట్​ చేశారు. ఈ భారీ మల్టీ లెవెల్ కార్ పార్కింగ్​ను తాము మొదలుపెట్టామని గుర్తు చేశారు. ప్రస్తుతం కాంగ్రెస్​ ప్రభుత్వం బిల్డింగ్​ నిర్మాణం పూర్తి చేయడంపై హర్షం వ్యక్తం చేశారు.

Multi Level Car Parking Complex at Nampally : నాంపల్లిలో ట్రాఫిక్​ సమస్య పరిష్కారం కోసం 2016-17 సంవత్సరంలో దీనిని ప్రారంభించామని కేటీఆర్ తెలిపారు. బీఆర్ఎస్​ ప్రభుత్వంలో కారు పార్కింగ్​కు అనుకోని అవంతరాల వల్ల కాస్త ఆలస్యమైందని పేర్కొన్నారు. కాంగ్రెస్​ ప్రభుత్వం ఇలాంటి వాటితో పాటు తాము చేపట్టిన అభివృద్ధి కార్యక్రమాలను కూడా కొనసాగించాలని ఆయన సూచించారు. ఈ పార్కింగ్​కి సంబంధించి కొన్ని చిత్రాలను కూడా ట్వీట్ చేశారు.

Multi Level Car Parking Details : నాంపల్లిలో నిర్మించిన మల్టీ లెవల్​ కారు పార్కింగ్​కు ప్రభుత్వ, ప్రైవేట్​ భాగస్వామంతో సుమారు రూ.80 కోట్లు కేటాయించారు. దేశంలోనే మొదటిసారిగా జర్మన్​ పాలిస్​ పార్కింగ్​ విధానంలో తక్కువ స్థలంలో ఎక్కువ వాహనాలు పార్క్​ చేసేలా ఈ ప్రాజెక్ట్​ను రూపొందించారు. అర ఎకరంలో 15 అంతస్థుల నిర్మాణం జరిగింది. అందులో 10 అంతస్థుల్లో వాహనాల పార్కింగ్​, మిగిలిన 5 అంతస్థుల్లో వాణిజ్య దుకాణాలు, రెండు తెరలతో ఒక సినిమా హాల్​ను రూపొందించారు. అత్యాధునిక వసతులతో ప్రజలకు సౌకర్యవంతంగా ఉండేలా నిర్మించారు. పార్కింగ్​ ప్రదేశాల్లో 250 కార్లు, 250 బైక్​లు పార్క్​ చేసే అవకాశం ఉంది. దీన్ని పీపీపీ విధానంలో మెస్సర్స్ భారీ ఇన్ఫ్రా ప్రైవేటు లిమిటెడ్ కంపెనీ కట్టింది.

KTR on Multi Level Car Parking : మల్టీ లెవల్​ పార్కింగ్​ కాంప్లెక్స్​లోని గ్రౌండ్ ఫ్లోర్​లో నాలుగు లోపలకి, బయటకు వెళ్లే టెర్మినల్స్​ పెట్టారు. వాహనాల నిలుపుదల కోసం టర్న్​ టేబుల్స్​ అమర్చారు. వీటిపై వాహనదారుడు తమ వాహనాలు పెట్టవచ్చు. వాహనం సైజు ఆధారంగా కంప్యూటరైజ్డ్​ పార్కింగ్​ సిస్టమ్​ ద్వారా వాహనాలను వర్గీకరణ చేయనున్నారు. ఇందులో పార్కింగ్​ చేసేందుకు కేవలం ఒక నిమిషం కంటే తక్కువ, తిరిగి తీసుకునేందుకు 2 నిమిషాలకు పొందడం విశేషం.

త్వరలో అందుబాటులోకి మల్టీ లెవల్​ కార్​ పార్కింగ్​ కాంప్లెక్స్​ - విశేషాలు ఇవే! - Multi Level Car Parking Complex

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.