IPL 2024 Punjab Kings vs Sunrisers Hyderabad : గత రెండు సీజన్లకు భిన్నంగా ప్రస్తుత ఐపీఎల్ ఎడిషన్‌లో దూకుడు కొనసాగిస్తున్న సన్రైజర్స్ హైదరాబాద్ మరోసారి తన దూకుడు ప్రదర్శించింది. ఇప్పటికే రెండు విజయాలు సాధించిన హైదరాబాద్ తాజాగా మరో మ్యాచ్లోనూ గెలుపొందింది. అంటే దీంతో మూడో విజయాన్ని తన ఖాతాలో వేసుకుంది. ఇప్పటివరకు చెన్నై సూపర్ కింగ్స్, ముంబయి ఇండియన్స్ వంటి పటిష్ఠమైన జట్లను ఓడించిన ఆరెంజ్ ఆర్మీ ఈ సారి పంజాబ్ కింగ్స్ను ఓడించింది. అటు బ్యాటింగ్లో ఇటు బౌలింగ్లో మరోసారి అదరగొట్టేసింది. జట్టు కష్టాల్లో ఉన్నప్పుడు తెలుగు కుర్రాడు నితీశ్ కుమార్ (37 బంతుల్లో 4 ఫోర్లు, 5 ఫోర్లు సాయంతో 64) చెలరేగి ఆడడంతో విజయం వరించింది. ఫలితంగా ఉత్కంఠగా సాగిన పోరులో 2 పరుగులు తేడాతో గెలిచింది.
183 పరుగుల లక్ష్యంతో బరిలోకి దిగిన పంజాబ్ కింగ్స్ శసాంక్ సింగ్(46) టాప్ స్కోరర్గా నిలిచాడు. సామ్ కరన్(29), సికందర్ రాజా(28), కెప్టెన్ శిఖర్ ధావన్(14), జితేశ్ శర్మ(19) పరుగులు చేశారు. భువనేశ్వర్ కుమార్ 2, ప్యాట్ కమిన్స్, నటరాజన్, నితీశ్ రెడ్డి, జయదేవ్ ఉనద్కత్ తలో వికెట్ తీశారు.
-
NKR supremacy 🥵🙌#PlayWithFire #PBKSvSRH pic.twitter.com/kvBjHXGe3L
— SunRisers Hyderabad (@SunRisers) April 9, 2024
అంతకుముందు టాస్ ఓడి బ్యాటింగ్కు సన్రైజర్స్ హైదరాబాద్ భారీ స్కోరు సాధించింది. నిర్ణీత 20 ఓవర్లలో 9 వికెట్ల నష్టానికి 182 పరుగులు చేసింది. తెలుగు కుర్రాడు నితీశ్ రెడ్డి (37 బంతుల్లో 4 ఫోర్లు, 5 ఫోర్లు సాయంతో 64) చెలరేగి ఆడాడు. ఐపీఎల్లో తొలి హాఫ్ సెంచరీ పూర్తి చేసుకున్నాడు. అసలు 39 పరుగులకే మూడు వికెట్లు కోల్పోయి కష్టాల్లో పడిన హైదరాబాద్ను ఆదుకుంది నితీశ్ రెడ్డినే. దూకుడుగా ఆడి 32 బంతుల్లోనే అర్ధ శతకం పూర్తి చేసుకున్నాడు. అబ్దుల్ సమద్ (12 బంతుల్లో 5 ఫోర్ల సాయంతో 25) ధాటిగా ఆడినా ఎక్కువసేపు క్రీజులో ఉండలేకపోయాడు. ఓపెనర్లు ట్రావిస్ హెడ్ (21), అభిషేక్ శర్మ (16) పరుగులు చేశారు. మార్క్రమ్ (0), క్లాసెన్ (9), రాహుల్ త్రిపాఠి (11) నిరాశ పర్చారు. ఇక పంజాబ్ బౌలర్లలో అర్షదీప్ సింగ్ 4, సామ్ కరన్, హర్షల్ పటేల్ రెండేసి వికెట్లు తీశారు. రబాడ ఒక వికెట్ దక్కించుకున్నాడు.
లఖ్నవూకు బ్యాడ్‌న్యూస్‌ - రెండు మ్యాచ్‌లకు స్పీడ్గన్ దూరం? - IPL 2024 Mayank Yadav
