మీ చెవి, ముక్కు, గొంతు ఆరోగ్యంగా ఉన్నాయా? - ఇవి పాటించకుంటే అంతే!

Lifestyle Habits to Keep Ear Healthy : ఈ రోజుల్లో చెవి, ముక్కు, గొంతు(Throat) సమస్యలతో బాధపడుతున్న వారి సంఖ్య అంతకంతకూ పెరుగుతోంది. అందువల్ల వాటి విషయంలో జాగ్రత్తగా ఉండాలని నిపుణులు సూచిస్తున్నారు. ఇందుకోసం పలు జీవనశైలి అలవాట్లను కూడా సూచిస్తున్నారు. వాటిని ఫాలో అయ్యారంటే ఈ మూడు భాగాల పనితీరు మెరుగుపడి హెల్తీగా ఉంటారని చెబుతున్నారు. అవేంటో ఈ స్టోరీలో తెలుసుకుందాం.

చెవుల ఆరోగ్యం కోసం :

• ఈరోజుల్లో పాటలు వినడానికి ఎక్కువమంది ఇయర్​బడ్​లు, ఇయర్​ఫోన్స్, బ్లూటూత్ వంటివి వినియోగిస్తున్నారు. ఇవి చెవులకు ఆరోగ్యకరం కాదనే విషయాన్ని మీరు గమనించాలి. వీలైతే వాటిని ఉపయోగించకపోవడమే బెటర్. ఎందుకంటే అవి మీ ఇయర్స్​కు నష్టం కలిగించి వినికిడి లోపం వచ్చేలా చేస్తాయని నిపుణులు సూచిస్తున్నారు.
• ఇకపోతే చాలా మంది చెవుల్లో గుబిలి తీసుకునేందుకు ఎక్కువగా పిన్నీసులు వంటి కొన్ని లోహ వస్తువులను యూజ్ చేస్తుంటారు. కానీ, అలా చేయడం చెవుల ఆరోగ్యానికి మంచిది కాదు. ఎందుకంటే ఆ విధంగా చేయడం ఇయర్ డ్రమ్​కు గాయం కలిగించే ఛాన్స్ ఉంది. లేదంటే ఇయర్ వ్యాక్స్​ను వెనక్కి నెట్టేస్తుంది.
• మీ చెవిని పొడిగా ఉండేలా చూసుకోవాలి. అంతేకానీ, చెవిలో నీరు పోయడం లేదా ఇతర ద్రవాలు వేయకూడదు. వాటి వల్ల ఇయర్స్ మూసుకుపోయే ప్రమాదం ఉంటుందని నిపుణులు హెచ్చరిస్తున్నారు. కాబట్టి వాటిని తేమగా ఉండకుండా చూసుకోవడం బెటర్.
• మీ చెవులు ఆరోగ్యంగా ఉండాలంటే మీరు చేయాల్సిన మరో పని.. పెద్ద శబ్దాలకు దూరంగా ఉండడం. ఒకవేళ మీ వృత్తిలో భాగమయితే మాత్రం వాటికి సరైన రక్షణా చర్యలు తప్పనిసరి అనే విషయాన్ని గుర్తుంచుకోవాలి.
• అదేవిధంగా మీ చెవుల వినికిడి ఎలా ఉందని తెలుసుకోవడానికి కనీసం ఏడాదికి ఒకసారైనా ENT సర్జన్ సంప్రదించి చెక్ చేయించుకోవడం మంచిది అంటున్నారు నిపుణులు.

దగ్గు తీవ్రంగా వేధిస్తోందా? - అయితే అది 100 రోజుల దగ్గు కావొచ్చు!

ముక్కు కోసం కొన్ని ఆరోగ్యకరమైన అలవాట్లు :

• సాధారణంగా శ్వాస వ్యాయామాలు మీ మొత్తం ఆరోగ్యానికి ముఖ్యమైనవి. అలాగే మీరు దృష్టి కేంద్రీకరించడంలో సహాయపడతాయి.
• ముక్కు మీద ఎక్కువ ఒత్తిడి తీసుకురాకుండా చూసుకోవాలి. ఎందుకంటే అది ముక్కు రక్తస్రావానికి దారి తీయవచ్చు.
• మీకు డస్ట్ అలర్జీ ఉన్నట్లయితే దుమ్ము, పొగ మొదలైన వాటికి గురికాకుండా ఉండండి.
• వాటిని పీల్చుకోకుండా బయటకు వెళ్లినప్పుడు మాస్క్‌లు ధరించడం మంచిది.
• జలుబు రావడానికి వైరల్ ఇన్ఫెక్షన్లు, అలర్జీలు సాధారణ కారణాలు. కాబట్టి అవి రాకుండా తగిన జాగ్రత్తలు తీసుకోవడం ఉత్తమం అంటున్నారు నిపుణులు.

గొంతు ఆరోగ్యం కోసం కొన్ని అలవాట్లు :

• గొంతు ఆరోగ్యంగా ఉండాలంటే మీరు చేయాల్సిన మొదటి పని.. చల్లటి గాలి లోపలికి వెళ్లకుండా చూసుకోవడం. ముఖ్యంగా చలి వాతావరణంలో తిరుగుతున్నప్పుడు ఈ సమస్య ఎక్కువగా ఉంటుంది.
• ఫలితంగా గొంతు నొప్పి, జలుబు వచ్చే ఛాన్స్ ఉంటుంది. కాబట్టి చలి గాలి చొరబడకుండా మఫ్లర్ ఉపయోగించడం మంచిది అంటున్నారు ఆరోగ్య నిపుణులు.
• చాలా మంది కొన్నిసార్లు బిగ్గరగా అరవడం, కేకలు వేయడం చేస్తుంటారు. కానీ, అలా చేయడం గొంతు ఆరోగ్యానికి మంచిది కాదు. అలాగే స్వర పేటికకి తగిన విశ్రాంతి ఇవ్వాలి. లేదంటే గొంతు దెబ్బతినే ఛాన్స్ ఉంది.
• తినే ఆహారం కూడా గొంతు ఆరోగ్యంపై ప్రభావం చూపుతుంది. కాబట్టి తినే వాటి విషయంలో జాగ్రత్తగా ఉండాలి.
• ముఖ్యంగా నూనె, వేయించిన, చల్లని ఆహారాన్ని తినడం గొంతుపై ప్రభావం చూపుతుంది.
• బర్నింగ్ సెన్సేషన్, పొడి దగ్గు, కొన్నిసార్లు వాయిస్ మారడం వంటి సమస్యలు రావొచ్చు.
• వోకల్ వార్మప్‌లు, వోకల్ న్యాప్‌లు రెండూ ఒక ప్రొఫెషనల్ వాయిస్ యూజర్‌కి అవసరం. గాయకుడు లేదా ఉపాధ్యాయులకు ఇది ముఖ్యం. వాయిస్​ని ఆరోగ్యంగా ఉంచడంలో ఇవి చాలా బాగా సహాయపడతాయి.
• మీరు పొడి వాతావరణంలో ఉంటే ఇంట్లో హ్యూమిడిఫైయర్ ఉపయోగించడం మంచిది. ఎందుకంటే ఇది పొడి వాతావరణాన్ని నివారించడానికి చాలా బాగా సహాయపడుతుంది. లేదంటే గొంతు తడి ఆరిపోతే తీవ్ర సమస్యలు వచ్చే అవకాశం ఉంటుంది.
• ఇలా మేము చెప్పినట్లు మీ జీవనశైలిలో మార్పులు చేసుకుంటే చెవి, ముక్కు, గొంతు ఆరోగ్యాన్ని కాపాడుకోవడమే కాదు మెరుగైన జీవితాన్ని ఆస్వాదించవచ్చంటున్నారు ఆరోగ్య నిపుణులు.

సింపుల్ చిట్కాతో గొంతునొప్పి మాయం!