బరువు తగ్గడం నుంచి షుగర్ కంట్రోల్ దాకా - మెంతులతో సూపర్​ బెనిఫిట్స్ ఎన్నో​!

author img

By ETV Bharat Telugu Team

Published : Feb 26, 2024, 10:15 AM IST

Health Benefits of Fenugreek Seeds

Health Benefits of Fenugreek Seeds: నోట్లే వేసుకోగానే చేదనిపిస్తాయి.. కానీ వంటకాలకు మాత్రం మహా రుచిని తెచ్చిపెడతాయి మెంతులు! అయితే కేవలం వంటల రుచిని పెంచడంలోనే కాదు.. ఆరోగ్యాన్ని కాపాడడంలోనూ అద్భుతంగా పనిచేస్తాయంటున్నారు ఆయుర్వేద నిపుణులు. మరి.. ఆ వివరాలు ఈ స్టోరీలో చూద్దాం.

Health Benefits of Fenugreek Seeds: అందరి వంట గదిలో కనిపించే వస్తువుల్లో మెంతులు ఒకటి. వంటకాలకు మంచి రుచి తెచ్చే ఈ మెంతులు.. ఆరోగ్యానికీ, అందానికీ ఎంతో మేలు చేస్తాయి. వీటిని ప్రాచీన కాలం నుంచి ఆయుర్వేదంలో ఔషధంగా వాడుతున్నారు. మెంతుల్లో పొటాషియం, కార్బోహైడ్రేట్లు, మెగ్నీషియం, సోడియం, డైటరీ ఫైబర్, ప్రొటీన్, విటమిన్ సి, కాల్షియం, ఐరన్, విటమిన్ బి6, రైబోఫ్లావిన్‌ వంటి ముఖ్యమైన పోషకాలతో ఎన్నో ఉన్నాయి. ఈ క్రమంలోనే మెంతులను మన ఆహారంలో భాగం చేసుకుంటే బోలెడు ప్రయోజనాలు ఉంటాయని నిపుణులు అంటున్నారు. పూర్తి వివరాలు ఈ స్టోరీలో చూద్దాం..

షుగర్​ కంట్రోల్​: మధుమేహుల్లో గ్లూకోజు మోతాదులు తగ్గడానికి మెంతులు ఉపయోగపడుతున్నట్టు భారతీయ వైద్య పరిశోధన మండలి(ICMR) నివేదిక పేర్కొంటోంది. మెంతులు రక్తంలోని చక్కెర స్థాయులు నియంత్రించడంలో సహాయపడతాయి. శరీరం పిండి పదార్థాలను గ్రహించుకోవటాన్ని నెమ్మదింపజేసి.. రక్తంలో గ్లూకోజు నెమ్మదిగా కలిసేలా చేస్తాయి. దీనివల్ల గ్లూకోజ్‌ కంట్రోల్‌లో ఉంటుంది. మెంతుల్లో 4-హైడ్రాక్సిస్‌ల్యూసిన్‌ అనే అమైనో ఆల్కనాయిక్‌ యాసిడ్‌ ఉంటుంది. ఇది ఇన్సులిన్‌ ఉత్పత్తిని పెంచడంతో పాటు కణాలు ఇన్సులిన్‌ను తీసుకునేలా చేస్తుంది.

జీర్ణ సమస్యలకు చెక్​: ఎసిడిటీ, గ్యాస్‌, కడుపు ఉబ్బరం వంటి జీర్ణ సమస్యలతో బాధపడేవారికి మెంతులు మేలు చేస్తాయి. మెంతులను ఆహారంలో భాగం చేసుకుంటే ఈ సమస్యలు దూరమవుతాయ. మెంతులు జీర్ణక్రియను ప్రోత్సహిస్తాయి. ఎసిడిటీని దూరం చేస్తాయి. మెంతులు తింటే.. మలబద్ధకం సమస్య కూడా దూరమవుతుంది.

దంతాల్లో రక్తమా? గుండెకు ముప్పు! - ఈ అలవాట్లు ఫాలో కావాల్సిందే!

కొలెస్ట్రాల్ నియంత్రణ: మెంతులు.. కొలెస్ట్రాల్ స్థాయిలను సులభంగా అదుపులో ఉంచుతాయి. మెంతికూరలోని ఫ్లేవనాయిడ్లు మన శరీరంలో చెడు కొలెస్ట్రాల్ స్థాయిని తగ్గించడంలో సహాయపడతాయి. అధిక కొలెస్ట్రాల్, అధిక బరువుతో బాధపడేవారు ఉదయాన్నే నానబెట్టిన మెంతి గింజలను గోరువెచ్చని నీటితో పరగడుపున తీసుకోవడం వల్ల ప్రయోజనం పొందవచ్చు.

బరువు తగ్గేందుకు: బరువు తగ్గాలనుకునే వారికి కూడా మెంతులు మేలు చేస్తాయని నిపుణులు అంటున్నారు. మెంతులు ఫైబర్​కు మంచి మూలం. ఇది ఎక్కువసేపు కడుపు నిండిన ఫీలింగ్​ కలిగిస్తుంది. 2018లో మెటా విశ్లేషణ ప్రకారం.. మెంతులు ఆకలిని తగ్గించడానికి, ఆహారం తీసుకోవడాన్ని తగ్గించడానికి సహాయపడతాయని కనుగొన్నారు.

పాల ఉత్పత్తి: బాలింతలు మెంతులను తీసుకొంటే పాలు బాగా పడతాయని నిపుణులు అంటున్నారు. దీనిలో ఉన్న ఫైటోఈస్టోజ్రెన్‌ పాలను పెంచడంతోపాటు బిడ్డ బరువు పెరిగేలా చేస్తుంది. అంతే కాకుండా.. పీరియడ్స్‌లో వచ్చే తలనొప్పి, వికారం సమస్యలను మెంతులు తగ్గిస్తాయి. మెంతులను పొడిగా చేసి కొద్దిగా నీటిలో కలిపి తీసుకొంటే సరిపోతుంది.

ఇవేకాకుండా జుట్టు రాలడం, చుండ్రు సమస్యలను తగ్గించడంతో పాటు ఆరోగ్యకరమైన జుట్టు పెరుగుదలను కూడా మెంతులు ప్రోత్సహిస్తాయి. అదనంగా పీసీఓడీ(PCOD) ప్రాబ్లమ్​తో ఇబ్బంది పడే మహిళలకు కూడా ఉపయోగపడతాయి.

ఇలా తీసుకోండి..: మీ రోజువారి దినచర్యలో భాగంగా మెంతులు తీసుకోవాలంటే.. ఒకటి లేదా రెండు టేబుల్​ స్పూన్ల మెంతులను ఒక గ్లాసు నీటిలో రాత్రంతా నానబెట్టి ఉదయాన్నే పరగడుపున తీసుకోవాలని నిపుణులు సూచిస్తున్నారు. అయితే ప్రయోజనాలు ఉన్నాయి కదా అని వీటిని అధికంగా తీసుకుంటే శరీరంలో వేడిని పెరుగుతుందని చెబుతున్నారు.

మెంతులతో ఎన్ని లాభాలో- మొటిమలకు చెక్​- మీ ముఖంలో గ్లో పక్కా!

సంతాన సమస్యలా? ఈ రసం తాగి చూడండి!

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.