Balakrishna Bhagvant Kesari Remake : ఏదైనా సినిమా హిట్ అయితే రీమేక్ చేయడం ఎప్పుడు నుంచో ఉన్న ట్రెండే. మన హీరోలు ఇతర భాషల చిత్రాలను రీమేక్ చేస్తే అక్కడి వాళ్లు మన కథానాయకుల చిత్రాలను రీమేక్ చేసి హిట్ కొడుతుంటారు. అయితే ఇప్పుడు సౌత్లో బాలయ్య నటించిన ఓ సినిమాకు భారీ డిమాండ్ ఏర్పడింది. ఈ మూవీ కోసం ముగ్గురు సౌత్ హీరోలు పోటీ పడుతున్నారని తెలిసింది.
వివరాల్లోకి వెళితే. నందమూరి నటసింహం బాలకృష్ణ నటించిన బెస్ట్ హిట్స్లో ఒకటిగా నిలుస్తుంది భగవంత్ కేసరి. గత ఏడాది దసరా విన్నర్గా నిలిచిన ఈ చిత్ర రీమేక్ కోసం ప్రస్తుతం ఇతర భాషల్లో ప్రయత్నాలు జరుగుతున్నాయని తెలిసింది. ముఖ్యంగా తమిళ, కన్నడలో భారీగా డిమాండ్ ఉందని ఇన్ సైడ్ టాక్ వినిపిస్తోంది.
పొలిటికల్ ఎంట్రీ ముందు నిర్మాత డివివి దానయ్య నిర్మించబోయే తన చివరి చిత్రానికి ఈ కథ అయితే బాగుంటుందని విజయ్ దళపతి అభిప్రాయపడ్డారని సినీ వర్గాల్లో మాటలు వినిపిస్తున్నాయి. భయపడే ఒక అమ్మాయికి స్ఫూర్తినిచ్చి ఆమె జీవితాన్ని మరో స్థాయికి తీసుకెళ్లే బాలయ్య పాత్ర విజయ్కు బాగా నచ్చిందని అంటున్నారు. అందుకే తన ఇమేజ్కు తగ్గట్టు కొన్ని మార్పులతో ఈ సినిమా చేస్తే ఎలా ఉంటుందా అని విజయ్ ఆలోచిస్తున్నారట. ఇంకా దీనిపై తుది నిర్ణయమైతే తీసుకోలేదు.
ఒకవేళ విజయ్ కాకపోతే ఈ స్టోరీ సూపర్ స్టార్ రజనీ కాంత్ దగ్గరకు వెళ్లే అవకాశముందని తెలుస్తోంది. ఇప్పటికే ఈ కథపై ఆయన ఆసక్తి చూపించినట్లు టాక్ వినిపిస్తోంది. కానీ ఇప్పుడాయన వరుస చిత్రాలతో బిజీగా ఉన్నారు కాబట్టి కాస్త డౌటే. కన్నడలో సూపర్ స్టార్ శివరాజ్ కుమార్ కూడా ఈ సినిమాపై ఆసక్తి చూపిస్తున్నట్టు ప్రచారం సాగుతోంది. అసలే శివ రాజ్కుమార్కు -బాలకృష్ణ మధ్య ఘాడమైన స్నేహం ఉంది. ఒకవేళ ఆయన నిజంగా చేయాలనుకుంటే రైట్స్ను దక్కించుకోవడం ఆయనకు పెద్ద కష్టమేమి కాదు. అయితే ప్రస్తుతం చర్చల దశలోనే ఉన్నందున ఇంకా డిసైడ్ అవ్వలేదు.
- " class="align-text-top noRightClick twitterSection" data="">
అఫీషియల్ - ఆ రోజు నుంచే ఓటీటీలోకి 'గుంటూరు కారం'
మొత్తం 40 సినిమాలు - ఈ ఏడాదే 15 రిలీజ్లు - మూవీ లవర్స్కు పండగే!
