திருவாரூர்: திருவாரூர் மாவட்ட ஆட்சியர் காயத்ரி கிருஷ்ணன் அறிக்கை ஒன்றை வெளியிட்டுள்ளார்.
அதில், 'தீபாவளிப் பண்டிகையின்போது பட்டாசு கடை வைப்பதற்கு உரிமம் பெறுவதற்கான விண்ணப்பங்களை இ.சேவை மையம் அல்லது பொது சேவை மையங்களில் விண்ணப்பிக்கலாம்.
கடை அமைக்கப்படவுள்ள இடத்தின் வரைபடம் (அசல்); இடத்தின் உரிமை குறித்த ஆவணங்கள் (அசல் மற்றும் 5 நகல்கள்), ரூ.500 –க்கான அசல் செலுத்துச் சீட்டு, முகவரிக்கான சான்று (குடும்ப அட்டை, பான் கார்டு, ஆதார் கார்டு இவைகளில் ஏதேனும் ஒன்று), உள்ளாட்சி அமைப்பின் ரசீது, பாஸ்போர்ட் அளவு புகைப்படம் ஆகிய ஆவணங்களுடன் 22.10.2021-க்குள் அளிக்க வேண்டும் என்ற கால அவகாசம் வரும் 27.10.2021 வரை நீட்டிக்கப்பட்டுள்ளது.
இந்த விண்ணப்பங்கள் மீது காவல் துறை, வருவாய்த்துறை மற்றும் தீயணைப்புத்துறை அலுவலர்களால் வெடிபொருள் சட்டம் 1884 (ம) வெடிபொருள் சட்டம் விதிகள் 2008-இன் படி உரிய நடவடிக்கை மேற்கொள்ளப்பட்டு உரிய உத்தரவுகள் வழங்கப்படும்.
எனவே, தற்காலிகப் பட்டாசு விற்பனைக்கு உரிமம் பெற விருப்பமுள்ளவர்கள் வரும் 27.10.2021–க்குள் உரிய ஆவணங்களுடன் விண்ணப்பங்களை ஆன்லைனில் அளிக்கலாம்' என மாவட்ட ஆட்சியர் காயத்ரி கிருஷ்ணன் தெரிவித்துள்ளார்.
இதையும் படிங்க:பவானிசாகர் அணையில் நீர்வரத்து அதிகரிப்பு!
