ஸ்ரீ தீர்த்தேஸ்வரர் ஆலயத்தின் 49ஆவது ஆண்டு திருவிளக்கு பூஜை!

திருவள்ளூர்: பஜார் வீதியில் அமைந்துள்ள ஸ்ரீ தீர்த்தேஸ்வரர் ஆலயத்தில் நடைபெற்ற 49ஆவது ஆண்டு திருவிளக்கு பூஜையில் பக்தர்கள் கலந்து கொண்டு பூஜை செய்தனர்.

திருவள்ளூர் மாவட்டம் வீரராகவர் கோயில் அருகே அமைந்துள்ள ஸ்ரீ தீர்த்தேஸ்வரர் ஆலயத்தில் 49ஆம் ஆண்டு திருவிளக்கு பூஜை புதன், வியாழன் ஆகிய இரண்டு தினங்கள் வெகுவிமர்சையாக நடைபெற்றது.

இதில், சமபந்தி போஜனம் நிகழ்ச்சியும், வியாழக்கிழமை மாலை வாணவேடிக்கையுடன் தீர்த்தீஸ்வரர் புஷ்ப அலங்காரத்தில் திருவீதி உலா வந்து பக்தர்களுக்கு அருள் வழங்கினார். இந்நிகழ்ச்சியில், ஐயப்பன் பக்தர்கள் கலந்து கொண்டு பூஜை செய்தனர். மேலும், பெண்கள் கைகளில் விளக்குகளை ஏந்தியவாறு வரிசையாக நின்று பக்தி பரவசத்துடன் பாடல்களைப் பாடி வழிபட்டனர்.

இதையும் படிங்க: மத நல்லிணக்கத்தை வலியுறுத்தும் வேளாங்கண்ணி கிறிஸ்துமஸ் விழா!