சேலம் நாம மலையில் திடீர் தீ - பல்வேறு மரங்கள் சேதம்

சேலம்: நாம மலையில் திடீரென காட்டுத் தீ, ஏற்பட்டு பல்வேறு மரங்கள் தீயில் கருகி சேதமடைந்தன.

சேலம் - அம்மாபேட்டை அருகே ஆத்தூர் தேசிய நெடுஞ்சாலைப்பகுதியில் நாம மலை உள்ளது. இந்த மலையில் இரவு, திடீரென காட்டுத் தீ பற்றியது. இந்தக் காட்டு தீயானது, மலையில் பல்வேறு பகுதியில் பரவியதைத் தொடர்ந்து, மலையிலிருந்த மரங்கள் எரிந்து சேதமாகின.

இந்தத் தீயானது நான்கு மணி நேரத்திற்கும் மேலாக எரிந்தது. இதனால், அப்பகுதியில் புகை மூட்டமாக காணப்பட்டது. பொதுவாக மலைப்பகுதிகளில் கோடை காலத்தில் அவ்வப்போது காட்டுத்தீ பற்றி எரியும்.

ஆனால், கோடைகால தொடக்கத்திலேயே நாம மலைப்பகுதியில் காட்டுத்தீ பற்றி எரிந்தது, அப்பகுதி மக்களிடையே அதிர்ச்சியை ஏற்படுத்தியது.